Müğənni Nahidə Babaşlı Türkiyə vətəndaşı Serkan Küçükceylanla ailə qurması xəbərlərini təkzib edib.
Sozcu.info xəbər verir ki, müğənninin meneceri Rasim Amanov Publika.az-a açıqlamasında bildirib ki, yayılan xəbərlər doğru deyil.
“Biz bu xəbərləri indi oxuduq. Nahidə xanım ailə qurmayıb, Serkan bəylə dostdurlar. Özü instaqramda bu barədə açıqlama yayacaq”, - o qeyd edib.
Müğənninin türkiyəli prodüseri Yasin Məlikoğlu da Nahidə Babaşlının evlənmədiyini açıqlayıb: “Malesef, yayılan xəbərlər doğru deyil”.
Serkan Küçükceylan isə bu xəbərlər sosial şəbəkələrdə yayılandan sonra instaqram hesabını bağlayıb.
Məlumat üçün bildirək ki, sosial şəbəkələr vasitəsilə məşhurlaşan, daha sonra Türkiyədə populyarlaşan müğənni Nahidə Babaşlının Türkiyədə gizli ailə qurduğu xəbərini Olay.az maqazin saytı yayıb.