"Hazırda təxminən 15-ə yaxın məktəbdə istiliklə bağlı problem var".

Sozcu.info xəbər verir ki, bunu jurnalistlərə açıqlamasında Bakı Şəhəri üzrə Təhsil İdarəsinin müdiri Mehriban Vəliyeva bildirib.

O qeyd edib ki, bu problemlərin həlli istiqamətdə mütəmadi addımlar atılır:"Bakı şəhəri üzrə Təhsil İdarəsinin tabeliyində olan bəzi məktəblərdə istiliklə bağlı müəyyən problemlər var idi. Problemlərin çeşidləri də müxtəlif idi - qazın verilməsi, istilik sistemi, texniki problemlər və sairə. Bir müddət əvvəl istiliklə bağlı ajiotaj var idi, artıq onlar yavaş-yavaş səngiyir".
BŞTİ-nin müdiri güclü külək nəticəsində problem yaranan məktəblər barədə də danışıb. O deyib ki, problemlər mütəmadi şəkildə olur, amma həlli istiqamətində addımlar atılır.