Azərbaycan Premyer Liqasında komanda sayı artsa, legioner limitinə baxıla bilər.
Sozcu.info xəbər verir ki, bu barədə Peşəkar Futbol Liqasının (PFL) prezidenti Ramin Musayev İctimai Televiziyada yayımlanan "Bol idman" verilişində bildirib. Hazırda yerli futbolçuların sayının az olduğunu söyləyən qurumun rəhbəri bildirib ki, çempionatdakı limiti ehtiyac olarsa, dəyişə bilərlər.
Onun sözlərinə görə, milli komandanın hər kəsin yaralı yeridir: "Klubların çoxu deyir ki, limit ləğv edilsin, kim neçə legioner istəyir, gətirsin-oynatsın. Bu, düzgün deyil. "Gəlin, baxaq, bizim yerli futbolçular aldıqları pula layiq oynayırlarmı? Deyirsiniz ki, limiti dəyişək. Bundansa deyək ki, ay klub rəhbərləri, gəlin, yerlilərə verdiyiniz pulu endirək".
Qeyd edək ki, hazırda Azərbaycan Premyer Liqasında 8 klub mübarizə aparır. Qaydalara əsasən, onlar oyun vaxtı meydana 6 legioner və 1-i 21 yaşadək olmaqla, 5 yerli futbolçu buraxa bilərlər.