"Soydaş" ictimai birliyinin sədri Kamran Ramazanlı, Soydaş haqqında qanunun qəbulu məsələsini şərh edən zaman bildirib ki, hazırki mərhələdə bu qanunun qəbulu daha vacib məsələyə çevirilib: "Diqqətinizə çatdırmaq istəyirəm ki, bu istiqamətdə aidiyyatı dövlət qurumlarının rəsmi nümayəndələrinin iştirakı ilə 7 tədbir təşkil etmişik. Minlərlə imza toplayaraq, Prezidentə, Milli Məclisə, Diasporla İş üzrə Dövlət Komitəsinə, Miqrasiya Xidmətinə məktublar göndərmişik və rəsmi qaydada cavablar almışıq. Nümayəndə heyətimizin yuxarıda qeyd etdiyim dövlət qurumlarında görüşləri baş tutub. Zəfər Qurultayında, Səmərqənd sammitində, eləcə də, ADA Universitetində keçirilən beynəlxalq konfransda, cənab prezidentin çıxışlarından da, aydın görünür ki, soydaşlarımızın müdafiəsi üçün qanuna ehtiyac var. Hesab edirəm ki, Soydaş haqqında qanunun qəbulu, dünyanın müxtəlif ölkələrində yaşayan soydaşlarımızın müdafiəsində mühüm rol oynayacaq".