Əvvəlki Sonrakı

Təbrizdə hərbi vəziyyət elan edildi

15-01-2026, 21:37

ABŞ HƏR AN İRANI VURA BİLƏR Trampdan ard-arda sərt bəyanatlar

14-01-2026, 11:52

Etdikləri qarşısına çıxan Maduro: Venesuelanın ən dəhşətli həbsxanasında işgəncə maşını

7-01-2026, 21:19

DYP dumanlı hava şəraiti ilə bağlı sürücülərə xəbərdarlıq etdi

6-01-2026, 22:02

Ağdam şəhərində “Hilton Garden Inn Agdam” hoteli istifadəyə verilib

23-12-2025, 18:26

Səfər Əbiyev "rus qafalı"ların hədəfində: SADIKOVU RUSİYAYA NƏ BAĞLAYIR

 

Son zamanlar mətbuat orqanlarında keçmiş müdafiə naziri Səfər Əbiyev barədə müxtəlif ittihamlar irəli sürülür. Onun nazir olduğu dövrdə "mənimsədiyi” var-dövlətin gah Çexiyada, gah Macarıstanda, gah da off-şor zonalarda saxlanıldığı iddia olunur. Bir sıra müxalif yönlü ekspertlərin diliylə keçmiş müdafiə nazirinin indiyə qədər həbs olunmamasının və hətta müdafiəyə ayrılan vəsaiti rahatlıqla "mənimsəyə bilməsinin” səbəbləri yuxarı dairələrdən aldığı himayə ilə izah olunur.
Əbiyevin müdafiə naziri olduğu dövrdə orduda ən yüksək postu tutduğunu nəzərə alsaq, onun özündən yuxarı səlahiyyət sahibləri tərəfindən himayə edilməsi iddiasıyla daşın hansı bostana atıldığı məlumdur. Biz bu ittihamların həqiqəti nə qədər əks etdirib-etdirmədiyini müəyyənləşdirməyi iddia irəli sürənlərlə bostanına daş atılanların öz ixtiyarına buraxırıq. Bu yazımızda isə daha çox "qara piar”kampaniyasının arxasında duran maraq və maraq dairələrini araşdırmağa çalışacağıq.
İlk öncə onu qeyd etməyi vacib bilirik ki, Səfər Əbiyevi müdafiə etmək kimi bir niyyətimiz də yoxdur. Korrupsiyanın hökm sürdüyü ən yüksək səlahiyyət sahibləri tərəfindən etiraf olunan Azərbaycan reallığında istənilən iri məmura bu ittiham yapışar. Hətta təmiz olsa belə... Fəqət korrupsionerliyin adi həyat standartına çevrildiyi ölkələrdə, o cümlədən Azərbaycanda istənilən iri məmurun fəaliyyətində hər hansı "kirli pullar” axtarılırsa, bunun heç də keçmiş sovet təbirlərilə desək, "dağıdılan dövlət əmlakına canıyananlıq”dan qaynaqlanmadığı, əksinə, rejimdaxili mübarizələrin məntiqi nəticəsindən doğduğu şübhə doğurmur. 
Keçmiş müdafiə nazirinin vəzifəsindən uzaqlaşdırılmasından 3 il sonra işində yol verdiyi nöqsanların gündəmə gətirilməsi, indiyə qədər isə bu məqamın üzərindən sükutla keçilməsi də məqsədin "qara piar” olduğunu təsdiqləyir.
Maraqlıdır ki, mövqeyini öyrənməyə çalışdığımız hərbi ekspertlər də bu məsələdə bizimlə razılaşırlar. Adının çəkilməsini istəməyən mənbəmiz sualımıza bu cür cavab verdi: "Sifarişli qara piarın aparılması göstərir ki, rus qafalılar Səfər Əbiyevdən əl çəkmək niyyətində deyillər. Orduda hazırkı müəmmalı bəzi məsələlərin üzərini ört-basdır etmək üçün keşmiş nazirin üzərində "cinayətkar” obrazı yaratmağa ciddi səylər göstərilir. 
Elə Səfər Əbiyevin əleyhinə mətbuatda gedən son yazılardan da bunun parlaq mahiyyətini görə bilərik. Ortaya sual çıxır: əgər həqiqətən deyilənlər doğrudursa, bəs, bu illər ərzində nədən bu prinsipiallıq ortaya qoyulmadı və Əbiyevin istefasından "seriallar” qanad açmağa başladı? Xoruzun quyruğunu burda axtarmaq gərək”.
Fikir verdinizsə, həmsöhbətimiz indiyə qədər yazıda rast gəlmədiyimiz iki məfhumun adını çəkir: "rus qafalılar” və "xoruzun quyruğu”. Olmaya, axtardığımız "xoruzun quyruğu” da elə "rus qafalılar”dır? Doğrudan da, həmsöhbətimizin sözü olmasın, artıq vəzifəsindən uzaqlaşdırılmış Səfər Əbiyevlə mübarizə kimə lazımdır? Sabiq nazirə qarşı aparılan kampaniyada nəyə nail olmaq istənilir?
Zənnimizcə, bunun ən başlıca səbəblərindən biri ölkə sərhədlərini aşan hərbi-strateji mübarizələrdə axtarılmalıdır. Xüsusilə son zamanlar NATO-Rusiya arasındakı ziddiyyətlərin artması, yeni çəkişmə məkanının Qara dəniz- Xəzər hövzələrini əhatə etməsi müşahidə olunur.
Təsadüfi deyil ki, NATO-nun son Varşava sammitində də Alyans növbəti hədəfinin Qara dəniz hövzəsi olduğunu açıq şəkildə elan etmişdi. 
Sammitdən sonra iki hərbi qüdrət arasında gərginləşən münasibətlər fonunda NATO-nun Gürcüstanda hərbi təlimlər keçirməsi, öz Baş katibi Cens Stoltenberqin diliylə qapılarının qonşu ölkəyə, həmçinin müəyyənləşdirilmiş konkret standartlara uyğun gələn istənilən Cənubi Qafqaz ölkəsinə açıq olduğunu bildirməsi cavabını çox gözlətmədi. 
Senyabr ayının 10-da NATO-nun Gürcüstanda hərbi təlimləri bitər-bitməz, Rusiya özünün "Qafqaz-2016” hərbi manevrinə başladı. İki hərbi gücün bir-birinin ardınca keçirdiyi manevrlərdə ortaya çıxan rəqəmlərdən aydın hiss olunurdu ki, bu təlimlər əslində bir-birinə qarşı göstərilmiş əzələ nümayişi idi. O da təsadüfi deyil ki, NATO-nun Gürcüstan hərbi təlimində 1200 əsgər iştirak edirdisə, Rusiyanın "Qafqaz-2016” təlimində 120 min hərbçi yer almışdı. Sanki bununla Moskva NATO-ya bu mesajı verirdi: Nəbadə, Cənubi Qafqaza gəlməyi ağlınızın ucundan keçirəsiniz, əks halda qarşınıza 100 dəfə artıq qüvvə ilə çıxaram. Rusiyanın Baş Qərargah rəisi Valeri Gerasimovun "Qafqaz-2016” ilə bağlı söylədiyi aşağıdakı fikirlərində də açıq şəkildə "yeri gələrsə, savaşa belə girə bilərik” mesajı verilirdi: "120 mindən çox əsgər ilə federal müdafiə nazirliyi və hərbi hissələri; cənub, mərkəz və qərb hərbi dairəsi və Şimal Donanması tərəfindən təşkil edilən təlimlərə qatıldı. Manevrlərə qatılan təyyarələr də bundan əvvəl Suriya Ərəb Respublikasında qazandıqları təcrübələrdən istifadə etdilər".Səfər Əbiyev
Gerasimovun Suriyada hərbi təlim keçən təyyarələri xatırlatması Rusiyanın istənilən döyüşə hazır olduqlarına, lazım gələrsə Qafqazı Suriyaya çevirə biləcəklərinə açıq işarə kimi başa düşülməlidir.
Maraqlıdır ki, iki hərbi qüdrətin Cənubi Qafqazda əzələ nümayişindən sonra keçmiş müdafiə naziri Səfər Əbiyevə qarşı "qara kampaniyaya” da start verildi. İstefasının üzərindən 3 il keçməsinə baxmayaraq, onun nəzəri olaraq "mənimsəyə biləcəyi” varidatı gündəmə gətirildi.
Əldə etdiyimiz məlumatlara görə, müəyyən dairələrin yadına keçmiş xatirələrin düşməsi səbəbsiz deyil. Belə ki, Səfər Əbiyev nazir vəzifəsini icra etdiyi müddətdə NATO-nun adamı kimi tanınırdı. Onun ordudakı Rusiya tərəfdarlarını sıxışdırdığı, xeyli "rus qafalı” zabiti işdən uzaqlaşdırdığı da bizə ötürülən informasiyalar arasındadır. 
Bildirildiyinə görə, Səfər Əbiyev nazir olduğu 18 il ərzində əsas diqqətini ordu quruculuğundan çox, rus tərəfdarlarını zərərsizləşdirməyə həsr edibmiş. Hətta onun zamanında Rusiyanın əsas adamı kimi tanınan Nəcməddin Sadikovun səlahiyyəti ancaq qoltuğunda gəzdirdiyi qovluğu açmağa çatırmış: "Səfər Əbiyevdən sonra Sadıkov, yenidən əvvəlki mövqelərini bərpa etməyə çalışır və NATO-ya bağlı qüvvələri zərərsizləşdirməklə faktiki istədiyinə nail olub”.
İnformasiya mənbəyinin bildirdiyinə görə, 2013-cü ildəki kadr islahatlarından sonra həbsə atılan yüksək rütbəlilərin də böyük əksəriyyəti NATO-ya bağlı adamlar imiş: "Səfər Əbiyevə qarşı başladılan son "qaralama kampaniyası”nın məqsədi də əslində hələ tamamlanmamış bu təmizləmə prosesini sona çatdırmaqdır. Görünür, ordudakı Rusiyaya bağlı qüvvələr daha genişmiqyaslı əməliyyatlara başlamaq üçün keçmiş nazirin həbsinə nail olmaq istəyirlər. Bundan sonra isə, böyük ehtimalla, sabiq müdafiə nazirinin boynuna qoyulan bütün "cinayət əməllərinin icraçıları”nın həbsi başlayacaq”.
Məlumatlı mənbənin bildirdiyinə görə, Səfər Əbiyevi korrupsiyada ittiham edənlər də heç "süddən yenicə çıxmış ağ qaşıq” deyillər: "Azərbaycan mətbuatının müxtəlif zamanlarda gündəmə gətirdiyi informasiyalara nəzər salanda da bu həqiqəti aydın görmək mümkündür. Ölkə mediasının bir müddət əvvəl yazdığından belə aydın olur ki, Nəcməddin Sadıkovun Rusiyanın Dağıstan vilayətində dəyəri milyonlarla dollar hesablanan layihələri batıb. Hətta bu itkinin kompensasiyası kimi ona Dağıstanın milli qəhrəmanı statusu verilib, adına küçələr salınıb”.
Həmsöhbətimiz istənilən bir ölkənin Baş qərargah rəisinin başqa bir ölkədə milli qəhrəman elan edilməsinin analoqunun olmadığını bildirirək, bunun faktiki olaraq, Azərbaycanın suverenliyinə kölgə saldığını deyir: "Axı nə qədər yaxın münasibətlərdə olsaq belə, Rusiyanın öz dövlət maraqları var. Zaman-zaman bu maraqlar bizim milli maraqlarımıza cavab vermir. Bəs, hansısa bir məqamda iki maraq dairəsinin toqquşması zamanı Nəcməddin Sadıkov hansına üstünlük verəcək? Özünü Rusiyanın milli qəhrəmanı, yoxsa Azərbaycanın Baş Qərargahının rəisi kimi aparacaq?”
Qaynağımız Nəcməddin Sadıkovun Rusiyaya bağlayan başqa faktlardan da danışdı. Onun sözlərinə görə, Baş qərargah rəisinin qardaşı Ermənistanın Gümrü şəhərində yerləşən rus hərbi korpusunda yüksək vəzifə tutur. Oğlu Məhəmməd Nəcməddin oğlu Sadıkov isə bir müddət əvvəl Dağıstan prezident aparatının rəhbərinin köməkçisi təyin olunub. Xatırladaq ki, bundan əvvəl Məhəmməd Sadıkov Azərbaycan Vergilər nazirinin müşaviri vəzifəsində çalışırdı. Onun bu vəzifədə oturmasının tarixi isə uzun deyil. Məhəmməd Sadıkov 23 Noyabr 2015 tarixində Vergilər naziri Fazil Məmmədovun əmrilə bu vəzifəyə təyin olunub. Üzərindən heç bir il keçməmiş isə işindən uzaqlaşmalı olub. Amma göründüyü kimi, oğul Sadıxovun işsizliyi də uzun sürməyib. Vergilər Nazirliyindən uzaqlaşdırılmasından az sonra Sadıxova atasının milli qəhrəman olduğu Rusiyanın Dağıstan vilayəti öz qucağını açıb.
İnformasiya qaynağımız Sadıxovun Vergilər Nazirliyindən uzaqlaşdırılmasının səbəbləri barədə də danışdı. Mövzumuzla çox əlaqədar olmadığından bu barədə yazmağı məsləhət görmədik. Nədən ki, məqsədimiz Azərbaycan ordusunda gedən mövqe qazanmaq mübarizəsinə aydınlıq gətirmək, NATO-Rusiya ziddiyyətlərinin Cənubi Qafqazın önəmli ölkəsi kimi Azərbaycanda necə əks-səda doğurduğuna işıq tutmaq idi.

Heydər OĞUZ


Oxşar Xəbərlər

Rabitədə MTN-lə bağlı əməliyyat - Eldar Mahmudovun qohumu "vuruldu"
Ziya Məmmədovun yaxın ətrafı ilə bağlı daha bir həbs xəbəri: Yenilənib
«MTN işi» Yavər Camalova da təhlükə yaratdı; Müdafiə sənayesi naziri istintaqa cəlb edilə bilər
Gürcüstanın baş naziri bu gün Bakıya gəlir

Xəbər lenti

PRİZMA

Türkiyənin Güney Azərbaycan qorxusu
Türkiyənin Güney Azərbaycan qorxusu

MÜSAHİBƏ

TƏHLİL

Elmə, tələbəyə, torpağa və ailəyə sədaqətlə həsr olunmuş ömür
Elmə, tələbəyə, torpağa və ailəyə sədaqətlə həsr olunmuş ömür -FOTO

SOSİAL