Hadisə İsmayıllı rayonunun Kürdmaşı kəndində olub. İcra nümayəndəsi Saleh Ağayev döyüşlərdə iştirak etmiş Azad Cəfərovu ağır sözlərlə ittiham və təhqir  edib. Ön cəbhədən rayona qayıtmış əsgər müvəqqəti olaraq döndüyü üçün onunla şəkil çəkdirilməsinin problem ola biləcəyindən ehtiyat edərək ziyarətinə gəlmiş şəxslərlə foto çəkdirməkdən imtina edib. Bunun qarşılığında Kürdmaşı kənd icra nümayəndəsi tərəfindən nalayiq sözlərə məruz qalıb.
 Kənd əhalisi bildirir ki, S.Ağayev üç ildir ki, icra nümayəndəsi vəzifəsini icra edir. Bu müddət ərzində kənd sakinlərinə sərt hərəkətləri ilə xoş olmayan rəftar edib. Sakinlər bildirir ki, biz bir dəfə belə olsun ondan insanı rəftar görməmişik. Özünü alçaq dağları yaratmış kimi aparır. İstər pandemiya ,istər müharibə vaxtı bütün ölkə həmrəylik nümayiş etdirdiyi halda bu insan bir şəhidin, bir əsgərin qapısını döyüb valideynlərinə, ailəsinə mənəvi belə olsa dəstək olmayıb.
Azərbaycan Respublikasının prezidenti İlham Əliyev cənabları hər çıxışında qeyd edir ki, məmurlar xalqın xidmətçisidirlər. Mən onları xalqın rifahını yüksətməyə xidmət üçün təyin etmişəm, xalqı və dovlət malını talamaq üçün yox.
 Bizi zərərə qovuşduran ordunun əsgərinə təhqirlər və tənələr yağdıran bir məmurun o kürsüdə yeri yoxdur.Ümidvarıq ki, İsmayıllı rayon icra başçısı bu məsələ ilə bağlı tədbiri gecikdirməz.