Fransanın Ermənistandakı səfiri Conatan Lakoste Qarabağla bağlı açıqlama verib.
Sozcu.info xəbər verir ki, Lakoste “armenpress”ə verdiyi açıqlamasında bildirib ki, Fransa prezidenti Emmanuel Makron və Rusiya prezidenti Vladimir Putin Qarabağ məsələsinin həllinə yönəlmiş yeni addımlar atacaq:
“Putin və Makron ATƏT-in Minsk qrupu çərçivəsində Qarabağda vəziyyətin həllinə nail olmaq üçün səyləri davam etdirmək barədə razılığa gəliblər. Yaxın vaxtlarda bu istiqamətdə konkret təşəbbüslə çıxış edəcəklər”. 
Qeyd edək ki, Putin və Makron arasında 26 aprel tarixində telefon danışığı olub. Hər iki prezident Qafqazdakı mövcud vəziyyətin yaxşılaşdırılması və bu istiqamətdə konkret addımların atılması ətrafında müzakirələr aparıblar.