3 fevral 2022-ci il tarixində Almatıda Qazaxıstan Xalq Məclisi (Assambleyasının) Dostluq Evində Qazaxıstan Respublikası Prezident Administrasiyası rəhbərinin müavini Aida Balayevanın da iştirakı ilə etno-mədəni qeyri-hökumət təşkilatları rəhbərləri və fəallar ilə birgə görüş keçirilmişdir. 
Qafqaz.media xəbər verir ki, görüşdə Qazaxıstan Xalq Məclisinin sədr müavini Marat Azilxanov, Qazaxıstan Ahıska Türkləri Türk Milli Mərkəzi və Dünya Ahıska Türkləri Birliyinin (DATUB) sədri Ziyəddin Kassanov, Qazaxıstan Xalq Məclisinin üzvü olan qeyri-hökumət təşkilatları və rəsmilər iştirak ediblər.
Tədbirdə A.Balayeva Qazaxıstanda baş vermiş yanvar hadisələri zamanı Xalq Məclisinin fəaliyyətini müsbət qiymətləndirmiş, həmçinin Qazaxıstan prezidenti cənab Qasım Comərd Tokayevin qarşıya qoyduğu vəzifələr və onun yekun çıxışları haqqında ətraflı məlumat vermişdir.
Prezident Administrasiyası rəhbərinin müavini Aida Balayeva çıxışında görüşün əsas mövzusunun “Yeni Qazaxıstanı birlikdə quraq!” ortaq ideyası ilə birləşən əsas gündəm məsələsi olduğunu bildirdi.
A.Balayeva dövlət başçısının mesajlarında sosial-iqtisadi və sosial-siyasi sahələrdə görüləcək işlərin əsas prioritetlərinin çox konkret şəkildə ümumiləşdirildiyini bildirmiş, həmçinin cəmiyyətdəki aktual problemlərin həlli yollarına dair aydın yanaşma irəli sürdüyünü diqqətə çatdırmışdır.
A.Balayeva bu mənada “Nur Otan partiyasının qurultayı inandırıcı şəkildə göstərdi ki, lazımi dəyişikliklərin vaxtı çatıb, ölkənin hərtərəfli modernləşdirilməsi üçün geniş gündəm işləyir”, - deyə bildirib.
Bu kontekstdə Qazaxıstan Xalq Assambleyasının tapşırıqları üzərində ətraflı dayanaraq, "Yeni Qazaxıstanı birlikdə quraq!" İdeyasının dəyərlərinə diqqət çəkərək, bu ideyaların Xalq Məclisi üçün fəaliyyət proqramı olduğunu vurğuladı.

Qazaxıstan Xalq Məclisinə üzv təşkilatların iştirak etdiyi toplantıda Qazaxıstan Ahıska Türkləri Türk Milli Mərkəzinin və Dünya Ahıska Türkləri Birliyinin (DATUB) Başqanı Ziyəddin Kassanov yanvar ayında Qazaxıstanda baş verən hadisələrin hamını üzdüyü kimi, Axısxa Türklərini də dərindən kədərləndirdiyini bildirərək Qazaxıstanda yaşayan Axısxa Türklərinin hər zaman Qazaxıstan dövlətinin yanında olduğunu, Qasım Comərd Tokayevin həyata keçirdiyi siyasəti dəstəklədiklərini vurğulayıb.
Toplantıda Məclisin qarşıdan gələn tədbirlərinə hazırlıq məsələləri müzakirə edilib, dövlət başçısının ictimai asayişin və birliyin möhkəmləndirilməsi məqsədilə verdiyi tapşırıqların icrası məqsədilə Qazaxıstan Xalq Məclisinə üzv olan bütün təşkilatların koordinasiyalı işinin zəruriliyi qeyd edilib. 
Görüşdən sonra Qazaxıstan Respublikası Prezidenti Administrasiyası rəhbərinin müavini Aida Balayeva Qazaxıstandakı yanvar hadisələri zamanı "Ahıska" qəzetinin fəaliyyəti və onu iki xüsusi nömrəsinin yayınlanması səbəbilə Başqan Ziyəddin Kassanov ilə “Ahıska” qəzetinin və “Türk Birliyi” jurnalının baş redaktoru Rövşən Məmmədoğluna bütün tədbir iştirakçılarının hüzurunda təşəkkürünü bildirərək, hər zamanki kimi “Ahıska qəzeti”nə dəstək verəcəklərini vurğulayıb. Görüş zamanı Rövşən Məmmədoğlu Qazaxıstan prezidentinin “Millətə müraciət” çıxışlarının və qeyri-hökumət təşkilatlarının bəyanatlarının yer alacağı “Türk Birliyi” jurnalının xüsusi buraxılışının da ən qısa zamanda işıq üzü görəcəyini bildirib.