E.Sadıqov ifadəsində qeyd edib ki, maşınını satıb xırda borclarını ödəsə də, bankın borcu olduğu kimi qalıb, günü-gündən üstünə faiz gəlib. Atasının ondan üz döndərməsinə baxmayaraq, hər gün ondan evi satmağı və banka olan borcu bağlamağı xahiş edib. Əvəzində isə "öz günahın ucbatından bu günlərə qaldın, sənin kimi oğlum yoxdur, get özünü as” cavabı alıb.

Atasının bu cür davranışı Emili hər dəfə bir qədər də qıcıqlandırıb, özündən çıxarıb. Son üç gün ərzində isə ata-bala arasında mübahisə səngimək bilməyib. Əvvəlcə ailə başçısı evi satmağa razılaşıb. Evin pulunun 40 min manatını özünə götürüb rayona gedəcəyini, yerdə qalan 30 min manatı isə ailə üzvlərinə verəcəyini bildirib.

Emil isə atasına təkcə banka 20 min manat borcları olduğunu xatırladıb. S.Sadıqov isə bunların ona heç bir aidiyyatı olmadığını deyib:”30 yaşım var, mən də evlənmək istəyirdim. Hadisə baş verən gün yenə də atama dedim ki, evin pulunun 20 min manatını banka ödəsək, 50 min manata bir qədər kənarda iki dənə ev tikə bilərik. Məni söydü, masadakı külqabını götürüb üstümə atdı. Əsəbi halda həyətə çıxdım, çəkic götürüb geri qayıtdım. Çəkiclə atamın başına möhkəm zərbə endirdim. Hirsim soyumadı, sifət nahiyəsinə də zərbə endirdim. Gəlinimizlə anam qışqıraraq məni sakitləşdirmək istədilər. Atamın burunudan gələn qanı silirdilər. Qardaşım Sahil qolumdan tutub məni evdən çıxardı. Sahilin polisə zəng vurub məlumat verəcəyini gördükdə geri qayıdıb atamı birdəfəlik öldürməyi düşündüm. Geri qayıdıb bıçaqla atama zərbələr endirdim. Anam məni sakitləşdirməyə çalışanda bıçaq onun sol əlinə dəydi. Ona xəsarət yetirməmişəm, bıçaq təsadüfən dəyib”.

"İntihar etmək istədim, özümü iki dəfə asdım, amma…”