Əvvəlki Sonrakı

Müharibə bitir: ABŞ və İran yekun sülhə razılaşdı Green

Dünən, 21:58

SON DƏQİQƏ! Dövlət qurumunda korrupsiyaya qarşı ƏMƏLİYYAT : ONLAR SAXLANILDI

11-06-2026, 21:19

Xameneinin harada dəfn olunacağı açıqlandı

8-06-2026, 22:05

“Qara günlər” başlayır - Yay ayları ilə bağlı XƏBƏRDARLIQ EDİLDİ

29-05-2026, 12:03

İranda keçmiş MMA çempionu edam edildi

26-05-2026, 21:18

"Biz üçtərəfli mexanizmin tətbiqini təklif edirik" - İqtisadçıdan dollar kreditləri haqda şərh

"Biz üçtərəfli mexanizmin tətbiqini təklif edirik" - İqtisadçıdan dollar kreditləri haqda şərh

 

"Xarici valyutada olan kreditlərə güzəştlərin verilməsi imkanları yenə də müzakirədədir".

Mia.az xəbər verir ki, bu sözləri iqtisadçı ekspert Vüqar Bayramov deyib.

Onun sözlərinə görə, Azərbaycanda kapital bazarının mövcud imkanları ABŞ və digər inkişaf etmiş ölkələrdə olduğu kimi toksit aktivləri, eləcə də problemli kreditləri səhmləşdirib qiymətli kağızlar bazarına çıxarmağa imkan vermir: "Bu baxımdan daha məqbul hesab edilə biləcək yol məhz güzəşt mexanizminin tətbiq edilməsidir. 

Qeyd edim ki, İqtisadi və Sosal İnkişaf Mərkəzi (CESD) olaraq 2015-ci ildə xarici valyutada olan kreditlərə güzəştlərin verilməsi ilə bağlı təkliflər paket hazırlayıb hökumətə təqdim etmişik. Biz üçtərəfli mexanizmin tətbiqini təklif edirik və bu "üç tərəfli güzəşt” mexanizmi adlanır.

Söhbət fərqin üç tərəf - hökumət, banklar və müştəri arasında bölüşdürülməsindən gedir. Bu zaman yaranan fərqin üçdə birini dövlət, üçdə birini banklar, üçdə birini isə müştəri özü qarşılayır. Bunun özəlliyi ondan ibarət idi ki, hər bir tərəf yaranan fərqin az bir hissəsini, yəni, üçdə birini qarşılayır. Əgər müştəri 1.05 məzənnə ilə kredit götürübsə və artıq məzənnə 1.70-dirsə, o zaman yaranan 0.65 qəpiklik fərqin üçdə birini vətəndaş, digər üçdə ikisini isə dövlət və bank ödəyir.

Bu, vətəndaş üçün ağırlıq yaratmır, çünki artıq üçdə ikisini başqa tərəf ödəyir. Bank üçün də ağırlıq yaratmır, çünki bank da üçdə birini ödəyir, digər üçdə ikisini isə vətəndaş və dövlət ödəyir. Dövlət üçün də eyni prinsip keçərlidir”.

İqtisadçının sözlərinə görə, bu mexanizmin özəlliyi ondan ibarətdir ki, burada tərəflərin heç birinə ciddi maliyyə ağırlığı düşmür: "Nəticə etibarilə problemli kreditlərin həlli istiqamətində ciddi addım atmaq mümkün olur. Bu zaman Mərkəzi Bankın heç də böyük olmayan vəsaitlə problemi həll etmək imkanı qazanır.

Düşünürəm ki, problemli kredit probleminin həlli üçün bizim təkiliflərin qəbul edilməsi məqsədəuyğun olardı. ABŞ-da qlobal maliyyə böhranı baş verdikdən sonra banklarda toksid aktivlərin, eləcə də problemli kreditlərin sağlamlaşdırılması ilə bağlı xüsusi proqram qəbul edildi. Həmin proqram çərçivəsində dövlət banklardakı toksid aktivləri, eləcə də problemli kreditləri satın aldı, onları səhmləşdirərək bazara çıxartdı. Dövlət praktiki olaraq, həmin proqram çərçivəsində 400 milyard dollara yaxın vəsait xərclədi. Oxşar güzəştlərin tətbiq edilməsi mexanizmi Rusiyada da istifadə olunub”.

Ekspert əlavə edib ki, kredit götürən vətəndaşa ödəniş üçün uzunmüddətli zaman təklif olunub: "ABŞ da daxil olmaqla bir sıra ölkələrdə birbaşa güzəştlər, bəzi ölkələrdə isə dolayı güzəşt mexanizmi tətbiq olunub. O baxımdan, biz də Azərbaycanda "üçtərəfli güzəşt mexanizmi”nin tətbiqini təklif edirik. Bu, həm dolayı, həm də birbaşa güzəşt üsulunu özündə ehtiva edir və problemli kredit məsələsinin həllinə ciddi dəstək ola bilər”.


Oxşar Xəbərlər

Problemli kreditlərin həcmi artır - Bəzilərinin qayıtmasına ümid yoxdur
Ekspert:“Mərkəzi Bank dollar kreditlərini kompensasiya etmədi, belə ağır vəziyyət yaratdı”
“Problemli kreditlərin ödənilməsi üçün banka dövlətin dəstəyi olmalıdır” –EKSPERT
10 min dollar məbləğinə qədər olan kreditlərin faizi artırılmayacaq

Xəbər lenti

PRİZMA

İnsan ruhunun çıxılmaz keçidləri İmamverdi İsmayılovun “LABİRİNT” povesti haqqında düşüncələr
İnsan ruhunun çıxılmaz keçidləri İmamverdi İsmayılovun “LABİRİNT” povesti haqqında düşüncələr

MÜSAHİBƏ

TƏHLİL

Trampın İran siyasətinə etirazlar artır
Trampın İran siyasətinə etirazlar artır

SOSİAL