Əvvəlki Sonrakı

Tramp İsrailin Livanı bombalamasını QADAĞAN ETDİ

17-04-2026, 19:33

AZƏRBAYCAN VƏ RUSİYA RAZILIĞA GƏLDİ - Moskva kompensasiya ödəyəcək

15-04-2026, 23:31

İran nümayəndə heyəti belə qorunacaq - Pakistan qırıcıları artıq bölgəyə yerləşdirilib

10-04-2026, 16:52

İsrail ABŞ-a QARŞI- Atəşkəs planı BÖHRAN YARATDI

9-04-2026, 17:32

“HƏR DƏFƏ EPŞTEYN İŞİ QALXANDA DÜNYADA BOMBALAR PARTLAYIR” -Fransa Senatının üzvündən ŞOK İTTİHAMLAR

28-03-2026, 23:18

Həbsdə olan daha 4 siyasi məhbus aclıq aksiyasına başladı

Həbsdə olan daha 4 siyasi məhbus aclıq aksiyasına başladı

 

Həbsdə olan daha 4 siyasi məhbus - İlkin Rüstəmzadə, Bayram Məmmədov, Əhsən Nuruzadə və Elçin İsmayıllı Mehman Hüseynova dəstək məqsədilə müddətsiz aclıq aksiyasına başlayıblar.

Sozcu.info xəbər verir ki, bu barədə onlar göndərdikləri müraciət mətnində məlumat veriblər: 

Əziz dostlar, dəyərli media və ictimaiyyət nümayəndələri!

Son vaxtlar hamımızın gözləri qarşısında çox dəhşətli proseslər baş verir. Hər ötən gün ölkəmiz sivil və demokratik dünyadan bir az daha uzaqlaşır, şər üçbucağının əhatəsi və dəstəyi ilə bataqlığa doğru möhkəm addımlarla irəliləyir. Ölkəmizin və xalqımızın ali maraqlarının nəyi tələb etməyindən asılı olmayaraq repressiyaların şiddəti daha da artır. Həbsdə olan siyasi məhbuslara və azadlıqda olan dissidentlərə qarşı başlayan və öz kuliminasiyasını Mehman Hüseynova qarşı əlavə cinayət işinin açılmasında göstərən proses ölkəmizin artıq geri dönüşü olmayan bir yola qədəm qoyduğunu nümayiş etdirir.
Biz bunun artıq birlikdə müqavimət göstərilməsi gərəkən çox ciddi tendensiya olduğunu düşünürük. Əslində, biz bu müraciəti və atacağımız addımları xeyli əvvəldən planlaşdırsaq da ilk günlərdə aldığımız bir-birini istisna edən ziddiyyətli informasiyalar, eləcə də atacağımız addımları digər həbsxanalardakı məhbuslarla koordinasiyalı şəkildə təşkil etmək, mümkün qədər çox sayda siyasi məhbusun bu aksiyaya qoşulmasını təmin etmək üçün etdiyimiz cəhdlər bizi bir az ləngitdi. Bu müraciətin yazıldığı ana qədər bunun gec olub-olmaması ilə bağlı saatlar çəkən mübahisələrdən sonra yekdiliklə bu qərara gəldik ki, bu, bizə əngəl olmamalıdır. Biz başlayırıq və digər siyasi məhbusların da qoşulacağına əminik.

Dəyərli siyasi məhbus dostlarımız! Mehman Hüseynovun başına gətirilənlər, bu gün birlik göstərməsək, sabah hamımızı gözləyir. Qurbanlıq qoyun kimi oturub kəsiləcəyimiz günü gözləsək, sabah başımızın altından biri narkotik, tank və.s tapacaqlar və ya bir də kimisə "döyəcəyik”.

Əgər siz indiki məqamda susqunluğun müdrik, ehtiyatlı addım olduğunu düşünürsünüzsə, qərbdən gələn reaksiyaların nəticələrini gözləyirsinizsə, onda arxayın fırladın. Biz bu filmə dəfələrlə baxmışıq və bu növbətçi reaksiyaların nə ilə nəticələnəcəyini, necə sonlanacağını yaxşı bilirik. Tüstü-duman dağılandan sonra qərbdən kimlərsə gələcək, bir qismi dizləri üstə çökdürülmüş və xüsusi xidmət orqanlarının kuklalarına çevrilmiş bir neçə siyasi məhbusun azadlığı müqabilində sövdələşmə əldə olunacaq, sonra da çıxıb bu böyük humanizmi, belə möhtəşəm islahatı gurultuyla alqışlayacaqlar. Neft, avro, dollarlarından çamodanlarına doldurub qayıdacaqlar və naz-qəmzə ilə hakimiyyətə göz vurub yeni repressiyalar üçün yaşıl işıq yandıracaqlar.

Unutmayın. Qərb təşkilatlarının Azərbaycanda satışa çıxartmadığı bircə dəyər, bircə prinsip də qalmayıb və gurultulu insan haqları şüarları ilə başlayan qərbin bütün kampaniyaları həmişə rüsvayçı bizi qaranlığa bir az da yaxınlaşdıran sonluqla bitib.
Biz ölkəmizin zülmətə qərq olmasına etiraz edirik!
Biz repressiyalara etiraz edirik və susmayacağıq!
Biz ölkəmizə sahib çıxırıq və onun işıqlı insanlarına həbsxanalarda qanqster kimi davranmasına müqavimət göstərəcəyik!
Mehman və digər hər kəs üçün bu gündən etibarən müddətsiz aclıq aksiyasına başlayırıq və bütün siyasi məhbusları bizə qoşulmağa çağırırıq".

İlkin Rüstəmzadə
Bayram Məmmədov 
Elçin İsmayıllı
Əhsən Nuruzadə


Oxşar Xəbərlər

İran müxalifətinin islahatçı lideri aclıq aksiyasına başladı –Mehdi Kerrubinin iki tələbi var
Vəkil Mehman Hüseynovun səhhəti barədə danışıb - “Süd məhsulları qəbul edir”
Penitensiar Xidmətdən Mehman Hüseynovla bağlı AÇIQLAMA
PREZİDENT MEHMAN ƏLİYEVLƏ BAĞLI GÖSTƏRİŞ VERDİ! – Məhkəmə qərar verəcək

Xəbər lenti

PRİZMA

Türküstanın maraqlarına xidmət edən müharibə
Türküstanın maraqlarına xidmət edən müharibə

MÜSAHİBƏ

TƏHLİL

Azərbaycan hüququnda mirasın faktiki qəbulu institutunun transformasiyası
Azərbaycan hüququnda mirasın faktiki qəbulu institutunun transformasiyası

SOSİAL