Göygöl rayonuda Daxili İşlər Nazirliyinin Daxili Qoşunların hərbçilərini daşıyan yük avtomobili idarəetmədən çıxıb və dərəyə aşıb.
Sozcu.info-ın məlumatına görə, hadisə Aşıqlı kənd ərazisində baş verib.
Daxili İşlər Nazirliyinin (DİN) mətbuat xidmətinin rəisi, polis polkovniki Ehsan Zahidov Sozcu.info-ın sorğusuna cavab olaraq bildirib ki, DQ-ya məxsus “Ural” markalı avtomobil aşıb:
“Hadisə nəticəsində 15 nəfər hərbi qulluqçu müxtəlif növ xəsarətlər alıb. Onlardan 12-nin xəsarətləri yüngül olduğundan ambulator yardım edilib Digər üç nəfər hospitala yerləşdirilib. Onların vəziyyətinin orta-ağırdır. Hadisə zamanı ölən olmayıb”.
Faktla bağlı araşdırma aparılır.