A.Hüseynzadə adına 20 nömrəli məktəb-liseyin aşağı sinif şagirdləri arasında kütləvi zəhərlənmə olub.

Bakı Şəhəri üzrə Təhsil İdarəsindən Musavat.com-a verilən məlumata görə, aprelin 6-da məktəb-liseyin bufetində toyuq əti yeyən uşaqlarda qarın ağrısı əlamətləri müşahidə olunub.

Qeyd olunub ki, məktəb rəhbərliyi təcili-tibbi yardım çağırıb, şagirdlər dərhal müvafiq səhiyyə müəssisəsinə çatdırılıb: "Həmçinin məktəb rəhbərliyi aidiyyəti dövlət qurumlarına və şagirdlərin valideynlərinə məlumat verib. Hazırda uşaqların vəziyyəti qənaətbəxşdir".

Bildirilib ki, məktəb-liseydə iaşə xidmətini təşkil edən “Tais ikf” MMC-dir. İaşə xidməti göstərən qeyd olunan şirkətin fəaliyyətinə aidiyyəti qurumlar tərəfindən müvafiq nəzarət olunur.

***

Bakıda 20 nömrəli məktəbdə kütləvi zəhərlənmə olub. 

Sozcu.info-ya daxil olan məlumata görə bu gün 20 nömrəli məktəb-liseyin bufetindən kütləvi zəhərlənmə olub. Şagirdlərin toyuq ətindən zəhərləndiyi bildirilir. 

Məktəb rəhbərliyi tərəfindən təcili-tibbi yardım çağırılıb.

Hazırda məktəbin qarşısında ona yaxın təcili yardım maşını var.  Zəhərlənən şagirdlər huşsuz vəziyyətdə evakuasiya edilir.