Sozcu.info  xəbər verir ki, Rusiyanın Lipetsk vilayətində MiQ-31 təyyarəsi qəzaya uğrayıb. Hadisə təyyarənin plan üzrə təlim-məşq uçuşundan sonra yerə endiyi zaman baş verib.
Bu barədə Rusiyanın Müdafiə Nazirliyi məlumat verib. Açıqlamada deyilir: "Moskva vaxtı ilə təxminən 19:20-də, Lipetsk vilayətində  MiQ-31 təyyarəsi planlaşdırılmış təlim uçuşundan sonra eniş edərkən qəzaya uğrayıb. Heyət katapulyasiya edib və pilotların həyatı üçün heç bir təhlükə yoxdur".
Təyyarə yaşayış olmayan ərazidə qəzaya uğrayıb; Uçuş döyüş sursatı olmadan həyata keçirilib, bu da əhali üçün əlavə riskləri istisna edir.