O zamanlar milli komandanın da məşqçisi kimi fəaliyyət göstərən K.Kərimlinin tələbəsi ilə münasibəti federasiya daxiliində ciddi müzakirələrə səbəb olmuşdu. Hətta sosial şəbəkələrdə də onların yaxın ətrafı müəllim və tələbə arasında sevgi münasibətləri barədə xəbərdar olduqlarını qeyd etmişdilər.

Bu xəbərdən sonra qadın idmançını millidən kənarlaşdırdılar və bir daha onun geri qayıtmasına izn vermədilər. Məşqçi K.Kərimli xəbəri dəfələrlə təkzib etsə də, Xumar Məmmədova nədənsə bu barədə açıqlama verməkdən imtina etmişdi.

X.Məmmədova redaksiyamıza zəng edərək iddiaların yanlış olduğunu deyib. Qadın idmançı Unikal.org-a uşağın atasının tamam başqa bir insan olduğunu deyib: "Mən qəti olaraq demək istəyirəm ki, uşağımnın atası başqasıdır, müəlllimim deyil. And olsun... Mən bunu analiz verməklə sübut edəcəm”...

- Uşağımın atası tamam başqa adamdır. Öz kəndçimdir, Kərim müəllim deyil. O vaxt mən getdiyim ərəfədə müəllimim burada olmayıb. (red: Goranboy rayonu nəzərdə tutulur). Həmin vaxt məşqçim Bakıda idi. Burada Kərim müəllimlik bir iş yoxdur. Xəbəri sizə deyib, müəllimimin günahına girən kimlərdirsə, DNT analizinin cavabını onlara da göstərəcəm. Fakt odur ki, uşaq Kərim müəllimdən deyil.

- Yox hələ cavabını almamışam. Yanvar ayında əlimdə olacaq. Uşağın atası bizim kəndimizdəndir.

- Yox, rəsmi nikahım yoxdur. Hazırda ondan ayrılmışam. Amma DNT analizinin cavabını alan kimi Bakıya gələcəm, uşağın atasını da göstərəcəm. Yenə deyirəm müəllimimin heç bir günahı yoxdur.

- Əlbəttə yazılıb, sənədin şəkilini də sizə göstərərəm. Məhkəmə olacaq. Sizi də məhkəməyə dəvət edəcəm. Çağırma səbəbim də odur ki, orada olanları öz gözünüzlə görün və işıqlanıdırın. Yəni, gəlib öz gözünüzlə də uşağın atasının kimin olduğunu görə bilərsiniz. Bizi yaradana and olsun ki, uşaq müəllimimdən deyil. Bilirsiz uşaq bətnimdə olan zaman niyə gizlədirdim?

- Çünki mən idmançıyam. Bilməyənlər də bilsin ki, mən idmana necə bağlıyam. Valideynlərim də məni məşqdən uzaqlaşdırmaq istəyirdi. Dedim, prezidentə yazmaqdırsa, yazacam ki, məni idmana qaytarsın. Mən idmanımı istəyirəm. Balam da əzizdir, idmanım ondan da əzizdir.

- Müəllimimlə adım çıxıb deyə qoymurlar. Amma mən Federasiyadakılara da sübut edəcəm ki, Xumarın dediyi düzdür. Deyirdilər ki, Kərim müəllimlə bu qızın münasibəti var... Amma xeyr. O bizi yaradan Allaha and olsun, Qurana da əl basaram ki, müəllimimlə mənim aramda heç nə olmayıb. Aramızda sadəcə müəllim və tələbə münasibəti olub.

Bir müddət sonra prezidentə də yazacam ki, məni idmana qaytarsın. Mən idmansız heç nəyəm. Yenə deyirəm, balam mənim üçün çox əzizdir, amma idman hamısından əzizdir.