RF Prezidenti Vladimir Putinin mətbuat katibi Dmitri Peskov Türkiyənin NATO üzvü olmasının onun Şanxay Əməkdaşlıq Təşkilatına daxil olmasına çətinlik törətdiyini söyləyib.
Peskov jurnalistlərə açıqlamasında Türkiyənin NATO üzvü olmasının ŞƏT-in əsas sənədlərinə zidd olduğunu deyib: "Biz Ankaranın Şanxay Əməkdaşlıq Təşkilatına daxil olmaq niyyətindən xəbərdarıq. Lakin Türkiyənin NATO-nun, Şimali Atlantika alyansının üzvü olması ilə ŞƏT-in əsas sənədlərində əks olunmuş məqamlar arasında müəyyən ziddiyyətlər var".