İranın xarici işlər naziri Məhəmməd Cavad Zərifin uçacağı təyyarəyə Almaniyanın Münhen şəhərində yanacaq verməyiblər.

"Report” xəbər verir ki, hadisə fevralın 16-18-də onun Münhen Təhlükəsizlik Konfransından İrana qayıtması zamanı qeydə alınıb.

Münhen hava limanındakı yanacaqdoldurma məntəqəsi ABŞ-ın sanksiyası ilə üzləşəcəklərindən ehtiyat etdiklərindən iranlı naziri aparacaq aerobusu yanacaqla təmin etmək istəməyiblər. Sonradan məsələ aydınlaşıb. Almaniya ilə İran arasında yaranacaq siyasi qalmaqalın qarşısı alınıb.