Göz açdım gül üzün gördüm,

Gülünü sevdim  Ana .

Sənlə keçən hər xoş günü

Zülümü sevdim , Ana !

Çırpındım quş kimi  yayda,

Olmadı tanrıdan  fayda,

Sənsiz  gözümdəki  çayda,

Selimi  sevdim  , Ana !

Mənəm - o qərib sərvətin,

" Dəcəl, sözə baxmaz  yetim "

Desən  gəlmə ,dayan-- çətin

Gəlimi sevdim, Ana !

Yaylaq, çadır , çətən  orda

Yurd  soyuyub, vətən ord,

Sən  ordasan, Atam  orda,

Yolunu  sevdim,  Ana!

Yoxdu  daha  istədiyim ,

Tamsızdı  noğul,  hədiyim.

Sən  gedəli  sevmədiyim,

Ölümü  sevdim , Ana !

Ölümü  sevdim , Ana !

----//--//--///----------////-----

      Sən  gedəli...

Sən  gedəli  əziz Anam

Məni  qohumlar  çağırır .

Boş  görünən  ev - eşiyin,

Soyuyan  divar  çağırır .

Keçdikcə  ayı - həftəsi,

Azalır  kimi- kimsəsi.

Toz  basan  qapı  cəftəsi,

Ot  basan  yollar çağırır !

Üzgün - üzgün  üzülür  can,

Heç olurmu  sənə  əyan ?

Hıçqırıqla  haraylayan 

Doğma  balalar  çağırır !

Sən idin gövhərim - ləlim ,

Varlığa  gedən  təməlim.

Qoynumdakı  iki  əlim

Gözümdə  sular  çağırır !

Bütün  sevgilər  soğulub,

Çağlayan  dünyam  dağılıb.

Üzümə qəhər  yığılıb,

İçimi  qubar  çağırır  !

Köz  yox ocağın  altında ,

Urvan  duvağın  altında.

Üzüm  ayağın  altında ,

Gəl , balan İlqar çağırır !

 İlqar Yusubov 

Xəzər Klinikasının baş həkimi