Cənab Prezident İlham Əliyevin Sərəmcamı ilə Şuşa şəhəri Azərbaycanın Mədəniyyət Paytaxtı elan olundu. Qədim mədəniyyət beşiyi olan Şuşa, 29 ildən sonra yenə də öz doğmalarını, qonaqlarını qarşıladı. Mayın 12-si və 13-ü Azərbaycanın mədəniyyət paytaxtı olan bu ecazkar məkan “Xarıbülbül” Musiqi festivalına ev sahibliyi etdi. Uzun fasilədən sonra birinci dəfə keçirilən bu festival bütün şəhidlərimizin əziz xatirəsinə həsr olunmuşdu.
Azərbaycan Resbublikasının Prezidenti İlham Əliyevin təşəbbusu ilə Şuşanın Cıdır düzündə keçirilən “Xarıbülbül” Musiqi festivalı 2 gün davam etdi və mayın 13-də Qala –konsert ilə başa çatdı.
Festivalın ilk günündə ölkəmizdə yaşayan müxtəlif xalqların musiqi yaradıcılığı” Azərbaycan musiqisində multikulturalizm” mövzusunda təqdim edildi. Ölkəmizin muxtəlif bölgələrində yaşayan ayrı-ayrı xalqların musiqi qrupları və ifaçıları öz çıxışları ilə Azərbaycanın millətindən, dinindən aslı olmayaraq hər bir kəsin vahid vətəni olduğu mesajını bütün dunyaya çatdırdı.
Festivalın ilk konsert gününün axşamı keçirilən Atəşfəşanlıq Böyuk Vətən müharibəsi şəhidlərinin ruhuna ithaf edildi. 
Mayın 13-ü Ramazan bayramı munasibəti ilə Şuşa şəhərində Yuxarı Gövhər Ağa məscidində Bayram namazı qılındı. Bu hadisə Azərbaycan xalqı üçün xüsusi önəm daşıyırdı. Çünki bu Bayram namazı düz 29 ildən sonra erməni ışğalından azad edilimiş Qarabağ incisi Şuşada qılınırdı.
Festival çərçivəsində Xalq artistləri Polad Bülbüloğlu, Fərhad Bədərbəyli, Alim Qasımov, Mənsum İbrahimov, Azərin, Samir Cəfərov və digər ifaçıların çıxışları alqışlarla qarşılandı. Qala-konsertdə Rauf Abdullayev, Yalçın Adıgözəlov, Fuad İbrahimov, Murtuza Bülbülün dirijorlugu ilə Üzeyir Hacıbəyov adına Azərbaycan Dovlət Simfonik Orkestri, Xalq artisti Gülbacı İmanovanın bədii rəhbərliyi ilə Azərbaycan Dövlət Xor Kapellası çıxışı etdilər. Konsertdə Üzeyir Hacibəyov, Fikrət Əmirov, Qara Qarayev, Müslum Maqomayev, Niyazi, Tofiq Quluyev, Vasif Adıgözəlov kimi bəstəkarların əsərləri təqdim olundu.
Konsertin sonuna doğru Azərbaycan Xalqının Ümümmilli Lideri Heydər Əliyevin vaxtı ilə işğal altında olan ərazilərimiz haqqında söylədiyi “Arzu edirəm ki Sizinlə birlikdə Şuşaya gedək! Gədəcəyik! İnanin ki, Gedecəcəyik” kəlmələri səsləndiyi anda hər kəs eyni hisslərlə kövrəldi. Silahlı Qüvvələrin Müzəffər Ali Baş Komandanı, Prezident İlham Əliyevin rəhbərliyi ilə ərazi bütövlüyümüzün bərpa olunmasını əks etdirən videoçarxı bütün qonaqlar zəfər alqışları ilə ayaq üstə izlədi.
Azərbaycan İncəsənət xadimlərinin Qarabağın ürəyinə həsr olunmuş əsərlərinin təqdim edilməsi doğma yurdumuza, mənəvi dəyərlərimizə bağlılığımızın göstəricisi idi.
Müzəffər Ali Baş Komandan İlham Əliyevın rəhbərliyi ilə Azərbaycan ordusunun torpaqlarımızi işğaldan azad etməsindən sonra ilk dəfə keçirilən “Xarıbülbül” Musiqi Festivalı İncəsənət xadimlərinin “Azəbaycan” mahnısını birgə ifası ilə yekunlaşdı. 
Mən özümdə şərəf hissi duyuram ki, belə gözəl, mənəvi dəyəri olan tarixi hadisənin, “Xarıbülbül” Musiqi Festivalının canlı şahidi olub, bu festivalda öz payıma düşən izimi qoydum.
Elvina Əhmədova,
G.Əliyeva adına 3 nömrəli Uşaq İncəsənət Məktəbinin direktoru