Azərbaycanın daşınmaz əmlak bazarı

 

Azərbaycanda daşınmaz əmlak bazarında cari qiymətlərin 13-15% azalacağı gözlənilir.

Sozcu.info "Report"un analitik qrupuna istinadən  bildirir ki, 2016-cı il ərzində ölkədə ABŞ dollarının məzənnəsinin 1,65 AZN/USD səviyyəsindən 1,95 AZN/USD-yə yüksəlməsi daşınmaz əmlak qiymətlərini dollar ekvivalentində 20% ucuzlaşdırdığından, manat ekvivalentində onların qiyməti azalmayıb.

"Lakin hazırda ölkədə dolların məzənnəsinin sürətlə ucuzlaşması müşahidə edilir. Belə ki, son bir həftə ərzində dolların banklarda satış qiyməti 1,96 AZN/USD səviyyəsindən 7% azalaraq 1,82 AZN/USD-yə geriləyib. Bu prosesin bir qədər də davam edəcəyi və 1,65-1,70 AZN/USD səviyyəsində sabitləşəcəyi ehtimal edilir. Nəticədə, əmlak sahibləri dolların ucuzlaşması fonunda tələbatın zəifləməsi satış zamanı daha böyük endirimlərə gedərək əmlakın qiymətini manat ekvivalentində bir qədər də aşağı salacaqlar", - deyə analitiklər qeyd edirlər.

Xatırladaq ki, Azərbaycan 2017-ci ilin dövlət büdcəsində xərclərin kifayət qədər azaldılmasına nail olub. Bu da öz növbəsində əhalinin gəlirlərinə təsirsiz ötüşmür. Eyni zamanda, daşınmaz əmlak bazarında satış təklifləri artır: "Qeyd edək ki, hazırda Bakının bir çox hissəsində müxtəlif yeni yaşayış komplekslərinin inşası aparılır. Bu da bazarda təklifi artıracaq və qiymətlərin azalmasına səbəb olacaq. Artıq aprel ayından etibarən əmlak qiymətlərində ucuzlaşma hiss ediləcək".



Oxşar Xəbərlər

Xəbər lenti


{sape_links}{sape_article}