Saakaşvilini kimlər, niyə aldatdı ...

Gürcüstanın sabiq prezidenti Mixail Saakaşvili Gürcüstana “ikinci qızılgül inqilabı” üçün gəlmişdi. Böyük ehtimalla, tərəfdarları və Qərb ölkələrindən ona məsləhət verənlər bu dəli gürcünü yanıltdılar. Mişaya elə gəlirdi ki, əsas məsələ onun Gürcüstan ərazisinə daxil olmasıdır. Bu, baş versə, gürcü xalqı dərhal ayağa qalxacaq, meydanlara töküləcək və indiki hakimiyyəti devirib, yerində özü oturacaq.
Hansı ki, bu ssenari artıq bir dəfə baş verib. 2003-cü ildə məhz qızılgül inqilabı adlandırılan modellə Saakaşvili Şeverdnadze hakimiyyətini devirərək, iqtidara gəlib.
Lakin ikinci cəhd alınmadı və Mişa iqtidar əvəzinə, həbsxanaya yerləşdi. Gürcü xalqı isə millət olaraq ayağa qalxmadı, küçələrə axmadı, ‘’Mişa-Mişa’’ deyib, mövcud iqtidarı devirmədi. İndi ən yaxşı halda onu sıx nəzarət altında hansısa xəstəxanaya yerləşdirə bilərlər.  Ona görə ki, Mişanın səhhəti pisləşib -  o, 20 gündür aclıq aksiyası keçirir.
Yada salırıq ki, keçmiş prezident oktyabrın 1-də Tiflisdə saxlanılıb. Hazırda Rustavidəki 12 saylı həbsxanada saxlanılan siyasətçi artıq 20-ci gündür aclıq aksiyası keçirir. Ötən gün sabiq dövlət başçısına baş çəkən həkimlər onu xəstəxanaya yerləşdirməyi tövsiyə ediblər. Saakaşvili də bu təklifə razılaşıb. Lakin deyib ki, aclıq aksiyasını davam etdirəcək.
Mişanı kimlər aldatdı? Gürcü xalqı niyə onun düşündüyü kimi, öz liderini bağrına basmadı?
 
 azer huseynov.jpg (95 KB)
Azər Hüseynov: “O, beynəlxalq şəbəkənin oyunçusudur”
AĞ Partiya başqanının I müavini, siyasi şərhçi Azər Hüseynov Saakaşvilini qəhrəman hesab etmir: “Sizə verdiyim müsahibədə demişdim. O, təqdim edildiyi qədər də qəhrəman deyil. Mişa beynəlxalq şəbəkənin oyunçusudur. Dövlət təsisatını etibarsızlaşdırmaq, kütləni psixosiyasi tətikləmək. Amma bu adam siyasi ciddiyyətini itiribdir. Bu onu göstərir ki, okeanın o tayından idarə olunan şəbəkənin texnologiyası da artıq işləmir. Gürcü xalqına maddi rifah lazımdır, bir də sakitlik. 2008-ci ilin avqust hadisələrinin təkrarlanması və yeni itkilər lazım deyil”.
Bizimkilər - Aygün Muradxanlı: “Bir yazımla bağlı yaşadıqlarımı heç vaxt  unutmayacam” - MÜSAHİBƏ - Modern.Az Azərbaycan və dünya xəbərləri
Aygün Muradxanlı: “Mişa siyasətçi Saakaşvilini diriltməklə məşğuldur”
Prime TV-nin rəhbəri Aygün Muradxanlı Saakaşvilinin gürcü iqtidarını titrədəcəyini düşünür: “Mişanın qayıdış ssenarisinin baş tutmadığını düşünmürəm. Ona görə ki, Mixeil Saakaşvili zamanlamanı gözəl bilən siyasətçidir. O, bu dəfə də düşünürəm ki, yanılmadı. Seçkidən cəmi 1-2 gün öncə ölkəyə gəlişi təbii ki, iqtidar üçün şok effekti yaratdı. Mişa çox əla bilirdi ki, seçkidə müxalifət qalib gələ bilməyəcək və həbs ediləcək. Çünki son illərdə onu dəstəkləyən və dəstəkləməyən bütün siyasi müxalifət partiyaları param-parça olmuşdular. Ən yaxın silahdaşları siyasətdən, ölkədən getmişdilər. Belə bir durumda Gürcüstana dönməklə o, həm də müxalifətin real gücünü öyrəndi. Demək ki, narazılığa, iqtisadi problemlərə baxmayaraq millət gərginlik istəmir.
Mişa dönüşü ilə iqtidar komandası üçün ciddi zorluqlar yaradıb. Artıq xalq üçün alternativ var - meydana yığılan 60-70 min əhali günün birində oturaq mitinqlərə başlaya bilər. İkincisi, gəlişi Gürcüstana Qərbin diqqətini artırıb. Avropa strukturları təmsilçilərinin birinin uçağı qalxmamış, o birisininki enir. Bu, Gürcü Arzusunun Rusiya ilə işbirliyi planlarını əngəlləyir. Daha Moskva Tiflisdə  sərbəst əl-qol aça bilmir.
Mişa aydındır ki, Qərbin dəstəyi ilə yetişən siyasətçidir. Amma o, gəlişi və həbsi ilə bütün region ölkələrinə sübut etdi ki, Qərbə aşırı arxayın olmadan problemləri içdə çözmək zamanıdır. Nyu-Yorkda “Tayms” meydanında sosial şəbəkələr üzərindən verdiyi açıqlamalarda da deyirdi ki, biz öz gücümüzə arxalanmalıyıq.
Bir məsələ də var - həbs edilən şəxs Ukraynada yüksək dövlət vəzifəsi tutan şəxsdir. Olaydan dərhal sonra Zelenskinin açıqlamalarında bildirilirdi ki, Kiyev onun ekstradisiyası üçün hər şey edəcək. Amma maraqlıdır ki, Ukraynada çoxları-həm hökumət üzvləri içərisində bir çoxları, özəlliklə də oliqarxiya Saakaşvilinin Ukraynaya dönməməsi üçün hər şeyə hazırdırlar. Çünki onun islahatları, antikorrupsiya addımları bu şəxslərin iş dünyasında da, hakimiyyət içərisində də ciddi sıxışdırılması demək idi. Onlar bu həbslə bəlkə də öz həbs təhlükələrindən qurtulublar. Mişa həbs edilməklə bir neçə məqsədinə çatdı - Qərbə anlatdı ki, Qafqaz sürətlə onun nüfuz dairəsindən çıxır, təcili tədbir görülməsə, Moskva təsirini daha da artıracaq. Millətə anlatdı ki, Qərbi hərəkətə keçirmək üçün passiv seçkilər yetərli deyil. Siyasi rıçaq kimi mitinqlər, yürüşlər vacibdir.
Ən önəmlisi, o, uğursuzluq səbəbilə parçalanan müxalif siyasi gücləri hərəkətə keçirib. Yeni koalisiyalar yarana bilər. Saakaşvilinin həbsdə çox qalacağını düşünmürəm. O, gəldiyi kimi, həbsdən çıxmağı da bacaracaq. Özü də daha güclü və əzmli olaraq. Yəni səhhətində ciddi problemlər yaratmaq bahasına Mişa siyasətçi Mixeil Saakaşvilini diriltməklə məşğuldur".

Əhməd İmamquliyev
Müxalif Avropalı Gürcüstan Partiyasının funksioneri Əhməd İmamquliyev Saakaşvilinin aldadıldığını düşünür: “Siz də doğru deyirsiniz ki, 2003-cü ildən 2012-ci ilə qədər Mixail Saakaşvilinin hakimiyyətdə olduğu dövrdə Gürcüstanda böyük dəyişikliklər oldu. Təbii ki, bu dəyişikliklərin bəziləri müsbət, bəziləri də mənfi oldu. Müsbət o idi ki, orta səviyyədə rüşvətin aradan götürülməsi oldu. Eyni zamanda insanlara kiçik günahlarına görə böyük cəzalar verildi. 2012-ci ildə həbsxanadan məlum video yayıldı və orada məhbuslara qarşı insan hüquqlarından uzaq olan bir vəhşilik, zorakılıq halları var idi. Üzr istəyirəm, onların başına açılan oyunları da çəkmişdilər. Bunu deməkdə məqsədim sizin verdiyiniz suallara cavabı burada axtarmaqdır. Mediada yayıldığı kimi, Saakaşvilini bütün gürcü xalqı sevirmi? Xeyr, sevmir. Bu da onunla bağlıdır ki, onun prezidentliyi dövrü həm mənfi, həm də müsbət olmuşdu. Saakaşvili eyforiya və illüziyaya qapanıb. Nəticəsi onun Gürcüstana qayıtması oldu. Bunun da əsas günahkarlarından biri Tako Çarkviani idi. O, həm aktyordur, həm də partiyası var. O demişdi ki, Saakaşvilinin gəlməsi üçün imzalar toplayıram, 104 min imza toplamışam. Amma Saakaşvili Gürcüstanda olanda min nəfər belə parlamentin önünə yığılmadı. Eyni zamanda Saakaşvilini aldadanlardan biri də Gubaz Sanikidze idi. Onlar gürcü xalqı Saakaşvilinin yolunu gözləyirmiş kimi şişirdilmiş məlumatlar yaydılar. Onlar bir qrup idilər və partiya rəhbərliyi ilə problemlər yaşayırlar. Nika Melia koalision hakimiyyətin tərəfdarıdır. Müxalifətin birləşib koalisiya formasında  mübarizəsini istəyir. Saakaşvilinin tərəfdarı olanlar və onu aldadıb Gürcüstana gətirənlər yalnız hakimiyyətə gəlmək istəyində olanlardır. Saakaşvili hakimiyyətpərəstlərin fikirlərinə aldandı. Çox təəssüflər olsun ki, sosial şəbəkələrdəki statuslara aldanıb gəldi. Biz hər zaman deyirdik ki, Saakaşvili Gürcüstana müxalifət olaraq hakimiyyəti biz devirdikdən sonra gələ bilər. Bu gün bizim dediklərimiz öz sübutunu tapdı”.


Oxşar Xəbərlər

Xəbər lenti


{sape_links}{sape_article}