"İnqilab da etdik, ölkəyə pul gəlmir..." - PAŞİNYAN ŞİKAYƏTLƏNİR

"İnqilab da etdik, ölkəyə pul gəlmir..." - PAŞİNYAN ŞİKAYƏTLƏNİR

 

Ermənistanın baş nazirinin səlahiyyətlərini icra edən Nikol Paşinyan yeni il bayramı tətilindən sonra erməni sahibkarlarla görüşüb və onları ölkə iqtisadiyyatına daha fəal yatırım qoymağa çağırıb. Bu haqda Paşinyanın arvadının redaktoru olduğu "Aykakan Jamanax” qəzeti yazıb.

Bildirilir ki, Paşinyan görüşdə sahibkarları yaşadıqları ölkələrdən başqa biznesmenləri də Ermənistana yatırım qoymaq üçün təşviq etməyə çağırıb.

"Paşinyan şikayətlənib ki, Ermənistanda baş vermiş siyasi dəyişikliklərə baxmayaraq ölkənin iqtisadi həyatında fəallıq çox aşağıdır, hərçənd gözləntilər çox idi”-qəzet yazır.

Qeyd edək ki, bütün beynəlxalq maliyyə qurumlarının hesabatlarına əsasən Ermənistanda investisiyaların yatırılması üçün ən başlıca əngəllərdən biri Azərbaycanla olan həll edilməmiş münaqişə və Türkiyə ilə sərhədlərin bağlı olmasıdır. Bu əngəllər aradan qalxmadan istənilən "məxməri inqilab” Ermənistanı xarici investisiyalar üçün cəlbedici ölkəyə çevirə bilməz. /virtualaz.org/



Oxşar Xəbərlər

Xəbər lenti


{sape_links}{sape_article}