Gürcüstan üçün əsas istiqamətlərindən biri regionda sülh və sabitliyin, inkişaf üçün daha möhkəm bünövrənin təşəbbüskarlarından biri olmaqdır.
APA-nın yerli bürosu xəbər verir ki, bunu Gürcüstanın Baş naziri İrakli Qaribaşvili Gürcüstan Xarici İşlər Nazirliyinin (XİN) 10 illik inkişaf planının təqdimatı zamanı deyib.

• Numan Kurtulmuş: “Şuşa Bəyannaməsi” ilə bağlı konfrans ölkələrimizin əlaqələrinin yeni müstəvidə inkişafına zəmin yaratdı”
• Prezident İlham Əliyev və Şarl Mişel birgə mətbuat konfransı keçiriblər - VİDEO - YENİLƏNİB
• Ceyhun Bayramov ABŞ-ın Oklahoma Ştatının Qubernatoru ilə görüşüb

O bildirib ki, Gürcüstanın Türkiyə, Azərbaycan və Ermənistanla çox yaxşı qonşuluq münasibətləri var.
İ.Qaribaşvili qeyd edib ki, Gürcüstanın uğurlu siyasəti və vasitəçiliyinin nəticəsi olaraq bir müddət öncə Azərbaycan və Ermənistan arasında saxlanılan ermənilərin və minalanmış ərazilərin xəritəsinin mübadiləsinə dair razılaşma əldə edilib və bu hadisə hər üç qonşu dövlətin birgə fəaliyyəti üçün çox yaxşı presedentdir.
Baş nazir ölkəsinin irəli sürdüyü dialoq platforması təşəbbüsünün daha da inkişaf etdirilməli olduğunu və Gürcüstan hökumətinin bu istiqamətdə aktiv fəaliyyət göstərməli olduğunu vurğulayıb.