"Ermənistanın baş naziri Nikol Paşinyanın Tavuş bölgəsində yaşayan ermənilərlə görüşündə işğal olunmuş 4 Azərbaycan kəndinin geri qaytarılmasının vacibliyini bəyan etməsindən təxminən bir həftə keçir. Lakin hazırda sözdən əmələ keçid prosesində ləngimə müşahidə olunur".

Sozcu.info xəbər verir ki, bu barədə "Caliber" bildirib.

"Biz hakimiyyətlə əlaqəsi olmayan adi Teleqram kanalı olaraq Bakının çox gözləmək fikrində olmadığını bildiririk. Kəndlərin tez bir zamanda qaytarılmaması İrəvanın işğalı davam etdirmək niyyəti kimi qiymətləndiriləcək ki, bu da öz növbəsində Ermənistana qarşı Azərbaycan Silahlı Qüvvələrinin asimmetrik hərəkətlərini ehtiva edən hərbi əməliyyatların başlanmasına səbəb olacaq", - deyə məlumatda bildirilir.