Sumqayıt şəhərində inşa olunmuş binalarda yerləşən mənzillərin güzəştlə satışına başlanılır.
Mənzil İnşaatı Dövlət Agentliyindən Yenisabah.az-a verilən məlumata əsasən, Sumqayıt şəhəri, 41-ci məhəllə, Zəminə Həsənova küçəsində yerləşən 1 və 2 saylı binalar üzrə hər birində 72 mənzil olmaqla, ümumilikdə 144 mənzilin güzəştlə satışı 17 avqust 2021-ci il tarixində saat 11:00-da başlayacaq və 24 avqust 2021-ci il tarixi saat 11:00-dək davam edəcək.
Gözləmə qaydasında mənzillərin seçimi 20 avqust 2021-ci il tarixində saat 11:00-da başlayacaq və 24 avqust 2021-ci il tarixi saat 11:00-dək davam edəcək.
Mənzil İnşaatı Dövlət Agentliyinin sərəncamında olan mənzillərin əldə edilməsi “Elektron hökumət” portalı üzərində (www.e-gov.az) “Güzəştli mənzil” sistemi vasitəsilə elektron qaydada həyata keçirilir. Yalnız “Güzəştli mənzil” sistemində elektron kabinetə sahib olmuş vətəndaşlar mənzil almaq hüququna malikdir. 
Mənzillərin satışı həm ipoteka kreditindən istifadə etməklə, həm də öz vəsaiti hesabına ödəniş üsulu ilə nəzərdə tutulub.
Studio tipli mənzillərin qiyməti - 29 665 manat,
1 otaqlı mənzillərin qiyməti - 30 175 manat,
2 otaqlı mənzillərin qiyməti - 48 110 manat,
3 otaqlı mənzillərin qiyməti - 63 325 manatdır.
Vətəndaş mənzili Azərbaycan Respublikasının İpoteka və Kredit Zəmanət Fondunun güzəştli ipoteka krediti vəsaiti hesabına aldıqda:
Studio tipli mənzillərin qiyməti aylıq 128, 1 otaqlı mənzillərin qiyməti aylıq 130, 2 otaqlı mənzillərin qiyməti aylıq 207, 3 otaqlı mənzillərin qiyməti aylıq 272 manata başa gələcək.
Mənzilə güzəştli ipoteka krediti vasitəsilə sahib olmaq istəyən vətəndaş minimal ilkin ödənişdən artıq ödənilən məbləğə görə, mənzilin satış qiymətini tam həcmdə öz vəsaiti hesabına birdəfəlik ödəyən vətəndaş isə bütün məbləğə əlavə 10 faiz endirim əldə edəcək.
Mənzilə öz vəsaiti hesabına birdəfəlik ödəniş edərək sahib olmaq istəyən vətəndaş üçün mənzillərin satışı aşağıdakı qiymətlərdən başlayır:
Studio tipli mənzillərin qiyməti - 26 699 manat,
1 otaqlı mənzillərin qiyməti - 27 158 manat,
2 otaqlı mənzillərin qiyməti - 43 299 manatdır.
3 otaqlı mənzillərin qiyməti - 56 993