ABŞ alimləri COVID-19-un maral və digər həssas vəhşi təbiət növləri arasında yayılmasını izləmək və potensial əks reaksiyanı azaltmaq üçün üsullar tətbiq etmək məqsədilə təcili olaraq nəzarət proqramlarının həyata keçirilməsini təklif edib.
Digər tərəfdən, koronavirusun insanlara marallardan ötürüldüyünü də təsdiq edən heç bir hadisəsi yaşanmayıb.
Sozcu.info xəbər evrir ki, ötən ilin noyabr ayında Penn State Universiteti tərəfindən Ayova ştatında marallardan toplanmış 300-ə yaxın nümunə araşdırılıb. Nümunə götürülmüş maralların 80 %-nin testi pozitiv olub.
Ohio Əyalət Universitetinin tədqiqatçıları tərəfindən aparılan araşdırma zamanı isə sərbəst gəzən 360 maraldan burun çubuqları ilə götürülmüş test nümunəsinin 129 maralda pozitiv çıxdığı aşkarlanıb. Eyni zamanda, marallarda xəstəliyin hər hansı bir simptomunun görünmədiyi də müəyyən edilib.
Digər tərəfdən, tədqiqatçılar COVID-19-un marallar arasında keçərkən mutasiyaya uğraya biləcəyini və potensial olaraq yeni variantlarla nəticələnəcəyi barədə xəbərdarlıq ediblər.
Alimlər marallardan virus yoluxmasının insanları təhdid edən yeni potensial koronavirus mənbəyi olacağından narahatdırlar.