Onun BBC-yə söyləməsinə görə, insidentin xeyli itkiyə səbəb ola biləcəyindən qorxub. "O vaxt bundan əmin deyildik”, – o söyləyib. Skripallar və Bailey artıq xəstəxanadan buraxılıblar. Amma xəstəxananın tibbi direktoru Kristina Blanşard BBC-yə deyib ki, sağ qalmalarına rəğmən, Noviçoka məruz qalmış bu şəxslər üçün uzunmüddətli proqnoz "həkimlərə bəlli deyil”.

Xəstəxana beynəlxalq ekspertlərdən məsləhət alıb, testlərin aparılmasında onlara üz tutub. Yuliya Skripal apreldə, atası isə ondan bir neçə həftə sonra xəstəxanadan buraxılıb. Yulia Skripal ötən həftə yayılmış videoda müalicəsinin "ləng və olduqca ağrılı” getdiyini, sağ qaldığı üçün bəxti gətirdiyini deyirdi. Britaniya bu insidentə görə Rusiyanı ittiham edib, Qərb müttəfiqləri ilə birlikdə onlarla rusiyalı diplomatı qovub.

Rusiya ittihamları rədd edib. (Azadlıq Radiosu)