Xarici ölkələrdə yaşayan soydaşlarımızın problemləri ilə məşğul olan qeyri-hökumət təşkilatlarının sırasına yeni biri, "Soydaş”  İctimai Birliyi də qoşulacaq. Ancaq digər təşkilatlaardan fərqli olaraq "Soydaş” İctimai Birliyi əsasən Gürcüstanda, Dərbəndə və digər yerlərdə yaşayan soydaşlarımızın problemləri ilə məşğul olacaq. Yeni təşkilatın yaradılması ilə bağlı artıq 7 nəfərdən ibarət təşkilat komitəsi yaranıb. "Soydaş” İctimai Birliyinin təsis konfransı isə sentyabrda keçirilməsi planlaşdırılır. Təşkilat komitəsinin sədri isə Gürcüsanda yaşayan soydaşlarımızın problemlərilə uzun illərdir ən yaxından məşğul olan az saylı ictimai xadimlərdən biri olan Kamran Ramazanlı seçilib. Təşkilat komitəsinin digər üzvləri  də uzun illərdir ki, soydaşlarımızın problemlərinin həlli ilə bağlı çalışan şəxslərdir. Buna görə,"Soydaş” İctimai Birliyinin fəaliyyətinin uğurlu olacağına böyük ümidlər bəslənilir.

A.Nəbiyev,

"Yeni Sözçü” qəzeti