Hurriyyet.org xəbər verir ki, hərəkat çərçivəsində 27 fevral tarixində yağışlı havanı fürsət bilən PKK terrorçuları türk jandarm birliklərinə pusqu qurub. Yüzlərlə terrorçu türk ordusu tərəfindən təsbit edilməmiş yeraltı tunellərdən əks hücuma keçib.

Çiskinli və yağışlı hava şəraiti bölgədə mübarizə aparan "mehmetçik” üçün silah-sursat göndərilməsini mümkünsüz hala gətirib. Terrorçuların kəskin hücumuna məruz qalan 100 türk əsgəri tarixi bir şücaət göstərərək mərkəzi qərargaha "komandir, bu son sursatımızdır, şərəfsizlərin gülləsi ilə deyil, Hava Qüvvələrimizin bombaları ilə şəhid olaq. Vurun bizi!” mesajı göndərib.

Bu çağırışdan sonra riskə girən F-16 qırıcıları türk əsgərlərinin 100 metr yaxınlığında olan 500 nəfərlik terrorçu qrupuna hücum edib. Lazerlərlə hədəfə alınan düşmən əsgərlər qüsursuz şəkildə zərərsizləşdirilib. Türk əsgərləri isə heç bir zərər görmədən mühasirədən qurtulub./publika.az/