Əvvəlki Sonrakı

İlham Əliyevdən Şuşa ilə bağlı paylaşım - VİDEO

8-11-2024, 10:40

Gürcüstanda bəzi məntəqələrdə seçkilərin nəticələri ləğv edilib

5-11-2024, 21:00

Hizbullahın yeni lideri ilk müraciətini yaydı - Mübarizə sözü verdi

30-10-2024, 18:46

"Türkiyə terror hücumlarının hansı məqsədlə həyata keçirildiyini bilir" - Ərdoğan

25-10-2024, 19:08

Putin Kiyevin Ərdoğanın sülh danışıqları təklifindən imtina etdiyini açıqlayıb

24-10-2024, 21:29

Kamaləddin Qafarov 6-cı mikrorayonda seçicilərlə görüşüb - FOTOLAR

Kamaləddin Qafarov 6-cı mikrorayonda seçicilərlə görüşüb

 

9 saylı Binəqədi ikinci Seçki Dairəsindən VI çağırış Azərbaycan Respublikası Mİlli Məclisinə deputatlığa namizədədliyi Yeni Azərbaycan Partiyası tərəfindən irəli sürülmüş Kamaləddin Qafarovun seçicilərlə görüşləri davam edir. K.Qafarov rayonun 7-ci Binəqədi küçəsindəki 3205-ci məhəllənin və Ə.Ağayev küçəsinin sakinləri - Ə. Mahmudov, V. Məlikov, X. Amaşov, A. Cəfərov və başqalarının dəvəti ilə 6-cı mikrorayonda seçicilərlə görüş keçirmişdir.

Görüşün əvvəlində Kamaləddin Qafarov ölkədəki iqtisadi-siyasi vəziyyət, mövcud sosial durum, 2020-ci il Dövlət Büdcəsinin əsas parametrləri haqqında seçicilərə ətraflı məlumat vermişdir. O, bir çox sahələri əhatə edən islahatların Azərbaycanın yaxın illərdəki inkişafının əsas təkanverici qüvvəsinə çevriləcəyini xüsusi vurğulamışdır.

Prezident İlham Əliyevin və ölkənin Birinci vitse-prezidenti Mehriban xanım Əliyevanın neqativ hallara qarşı mübarizəsini ürəkdən bəyəndiklərini bildirən seçicilər ölkəmizin irəliyə inkişafını əngəlləyən məmurların hələ də mövcud olduğunu bildirmişlər. Məhz bu tipli məmurların onların yaşadıqları məhəllənin mərkəzindəki su anbarının və ətrafda olan abad parkın yerində çoxmərtəbəli yaşayış binası tikmək niyyəti sakinlərdə ciddi narahatlıq doğurmuşdur. Məhəllə sakinlərinin, Binəqədi Rayon İcra Hakimiyyətinin etirazlarına baxmayaraq, həmin şəxslər məhkəmə yolu ilə məhəllənin infrastrukturunu qanunsuz olaraq dəyişərək, orada çoxmərtəbəli yaşayış evi tikmək istəyirlər. 8 dəfə məhkəmə iclası olmasına baxmayaraq, hələ də çəkişməyə aydınlıq gəlməmişdir.

K.Qafarov seçiciləri dinlədikdən sonra özünün seçki qərargahının səlahiyyətli nümayəndələrinə məsələni qısa müddətdə araşdırılıb, əldə edilən

nəticələr üzrə qanuni tədbirlər görülməsi ilə bağlı konkret tapşırıqlar vermiş, nəticə barədə məhəllə sakinlərini və müvafiq strukturları xəbərdar etməyi tapşırmışdır. Məsələ deputatlığa namizədin nəzarətinə götürülmüşdür.

Bundan əlavə, Ə.Ağayev küçəsindəki 120 saylı binanın sakinləri evin arxa hissəsində olan boş ərazidə mini stadion və ya sadə idman qurğularının quraşdırılması ilə bağlı qaldırılmış məsələnin həll olunmasında da K.Qafarovdan kömək istəmişlər. VI çağırış Azərbaycan Respublikası Mİlli Məclisinə deputatlığa namizəd Kamaləddin Qafarov bu məsələni qısa müddətdə Binəqədi Rayon İcra Hakimiyyətinin və müvafiq qurumların qarşısında qaldıracağını və onun müsbət həllinə nail olmaq üçün əlindən gələni əsirgəməyəcəyini bildirmişdir.

Görüş zamanı çıxış edən seçicilər ölkəmizdə keçirilən köklü islahatları ürəkdən dəstəklədiklərini bildirmiş, qarşıdakı nəhəng quruculuq işlərində dövlətin, ölkə Prezidenti İlham Əliyevin yanında yer alacaqlarını birmənalı şəkildə vurğulamışlar.

Seçicilər dəvətlərini qəbul edib gəldiyi üçün Kamaləddin Qafarova dərin minnətdarlıqlarını bildirmiş və fevralın 9-da ceçki prosesində layiqli namizədə səs verəcəklərini bəyan etmişlər.













 


Oxşar Xəbərlər

Kamaləddin Qafarovun seçicilərlə görüşləri davam edir
Kamaləddin Qafarov Xutor və Rəsulzadə qəsəbələrində seçicilərlə görüşmüşdür - FOTOLAR
Kəmaləddin Qafarovun seçicilərlə görüşləri davam edir - FOTOLAR
Kamaləddin Qafarov əlil seçicilərin ailələrilə görüşüb

Xəbər lenti

PRİZMA

Yeni Azərbaycan Partiyası: Tarixi gerçəklikdən milli ideala doğru
Yeni Azərbaycan Partiyası: Tarixi gerçəklikdən milli ideala doğru

MÜSAHİBƏ

TƏHLİL

Qarabağın qədim mədəniyyət mərkəzindən Qafqazın Xirosimasınadək
Qarabağın qədim mədəniyyət mərkəzindən Qafqazın Xirosimasınadək

SOSİAL