“Türk Aerokosmik Sənayesi” şirkətinin (TUSAŞ) paytaxt Ankaranın Kahramankazan bölgəsində yerləşən obyektlərindən birində terror aktı törədilib.
Sozcu.info  xəbər verir ki, bu barədə Türkiyə daxili işlər naziri Əli Yerlikaya sosial şəbəkə hesabından açıqlama verib.
Hücumdan sonra şəhidlərin və yaralananların olduğunu bildirən Yerlikaya, hadisələrlə bağlı ictimaiyyətə məlumat veriləcəyini və rəsmi mənbələrdən verilən açıqlamaların nəzərə alınması lazım olduğunu bildirib.