Sozcu.info xəbər verir ki, İran prezidenti Həsən Ruhani ölkəsinin ABŞ ilə danışıqlar aparılmasının sanksiyaların ləğv ediləcəyi və "qanunsuz sanksiyalar üçün üzr istəniləcəyi” təqdirdə mümkün ola biləcəyini, lakin ABŞ-ın İranla danışıqlar aparmaq məqsədinin olmadığını deyib. Ruhani ABŞ-ın İrana qarşı 40 il həmlələr etdiyini, lakin əvvəllər olduğu kimi, bu dəfə də uğur qazanmayacağını söyləyib. Prezident strateji cəhətdən mühüm olan Hörmuzd boğazını bağlayıb-bağlamamaq qərarını İran İnqilabı Keşikçilərinin verəcəyini deyib.

Ruhanı ABŞ-ın İranın neft ixracına qarşı sanksiyaları ilə bağlı güzəştlərin dayandırılması qərarına etirazını bildirib.