Restoranda nahar zamanı həyata keçirilən xain terror hücumu nəticəsində Türkiyənin Ərbil konsulluğunun əməkdaşı olan Osman Köse və 2 nəfər İraq vətəndaşı həlak olmuşdular.

Ərbilin polis idarəsinin açıqlamasında deyilir: "İyulun 17-də 3 nəfərin həlak olması ilə nəticələnən terror hadisəsi ilə bağlı istintaqımız davam edir. Aşağıda fotosu paylaşılan şəxsin adı Mazlum Dağdır, 1992-ci ildə Diyarbakırda dünyaya gəlib. Təqsirləndirilən şəxslə bağlı məlumatı olan vətəndaşlardan mümkün qədər tez bir zamanda polis idarəsinə məlumat verməyi xahiş edirik”.