Bu ilin yanvar ayında Dövlət Gömrük Komitəsinin (DGK) xətti ilə dövlət büdcəsinə 282 milyon 736,5 min manat həcmində vergi və rüsumlar daxil olub.
Sozcu.info-nun Komitənin açıqladığı göstəricilərə istinadən apardığı hesablama göstərir ki, bu ötən ilin eyni dövrü ilə müqayisədə 18% və ya 50,9 milyon manat az olub.
Yanvar ayında dövlət büdcəsinə daxil olan gömrük rüsumlarının həcmi 77 milyon 124,7 min manat  təşkil edib. Ötən ilin yanvar ayında bu rəqəm 84 milyon 361,4 min manat olub. Ay ərzində dövlət büdcəsinə 193 milyon 741,1 min manat ƏDV üzrə daxilolma olub. ƏDV üzrə daxilolma 2020-ci ilin yanvar ayında 235 milyon 905 min manat olub.
Bunlardan başqa yanvar ayında aksizlər üzrə büdcə daxilolmaları 9 milyon 107,1 min manat, yol vergisi üzrə daxilolmalar isə 2 milyon 763,6 min manat olub.