Gürcüstanın baş naziri İrakli Qaribaşvili Mixail Saakaşvilinin gürcü torpağına addım atan kimi dərhal həbsxanaya gedəcəyini bildirib.
Sozcu.info  xəbər verir ki, Baş nazirin sözlərinə görə, Saakaşvilinin yeganə məqsədi sabitliyi pozmaqdır.
"Həbsxanaya gedəcəyini yaxşı bilir. Saakaşvilinin yeganə vəzifəsi və məqsədi ölkəmizdə sabitliyi pozmaq və dağıntılar törətməkdir. Onun yeganə məqsədi və arzusu yenidən hakimiyyətə qayıtmaqdır, bu... əlçatmaz bir arzudur. Hər kəs hər hansı bir təxribata görə ciddi məsuliyyət daşıyacaq", - deyə Qaribaşvili qeyd edib.
Eyni zamanda, Baş nazir Saakaşvilinin gəlişinə tam inanmadığını söyləyib:
"Bu adam 8 ildir gələcəyi ilə hədələyir, amma qorxaq olduğu üçün gələ bilməz"i.
Baş nazir onu da vurğulayıb ki, gürcü xalqının küçələrə çıxacağı və onları qoruyacağı ilə bağlı eks-dövlət başçısının bəyanatları saxtadır.
İrakli Qaribaşvili əmindir ki, Saakaşvilinin kifayət qədər dəstəkçisi yoxdur və onu hava limanında kimsə qarşılayacaqlarsa, bu, onun hakimiyyəti dövründə əziyyət çəkənlər "Gürcü Arzusu"nun tərəfdarları olacaqlar.
Xatırladaq ki, eks-prezident öz "Facebook" səhifəsində bələdiyyə seçkiləri günü, daha doğrusu, oktyabrın 2-də saat 23: 05-də Tbilisiyə gələcəyi təyyarə biletinin fotoşəkilini yayımlayıb.