Azərbaycanda ilk müasir heyvandarlıq kompleksi istifadəyə verilib.Kompleksin fəaliyyəti ilə tanışlıq məqsədilə media-tur təşkil olunub.
Sozcu.info xəbər verir ki, ölkədə bu konsepsiyada kompleks ilk dəfədir inşa olunur. Kənd Təsərrüfatı Nazirliyinin tabeli qurumu “Aqroservis” ASC-nin İdarə Heyətinin Sədri Elmin Rəhmanov bildirib ki,heyvandarlıq kompleksi sərgi salonundan, auksion mərkəzindən, ferma, sağım məntəqəsi, heyvanlara tibbi yardım məntəqəsi və s. funksional binalardan ibarətdir:"Sərgi salonuna gələn ziyarətçilər ölkədə və Avropada satışda olan heyvanlar haqqında video çarx və satış nümayəndələri vasitəsilə onların məhsuldarlığı, şəcərəsi, cins tərkibi, saxlanılma şəraiti barədə ətraflı məlumat əldə edə biləcəklər.
Bundan başqa, həftə ərzində sərgi salonunda satışda olan damazlıq heyvanların virtual nümayişi mütəmadi olaraq həyata keçiriləcək". E.Rəhmanov həmçinin, kompleksin daxilində heyvan satışını həyata keçirən lizinq şirkətlərinin, heyvanların sığrotalanması üçün sığorta şirkətlərinin fəaliyyət göstərəcəyini qeyd edib.