Səhiyyə Nazirliyi Azərbaycanda koronavirusun "Omikron" ştammının aşkarlandığını bəyan edib. Bu barədə İcbari Tibbi Sığorta üzrə Dövlət Agentliyi və Tibbi Ərazi Bölmələrini İdarəetmə Birliyi birgə məlumat yayıb.
Bir çoxları ötən ilin sonundan əhali arasında geniş yayılmış boğaz ağrısı və yüksək hərarətlə müşayiət olunan xəstəliyin məhz “Omikron” olduğu düşüncəsindədir. Səhiyyə Nazirliyi rəsmiləri bunun əksini desə də və qeyd olunan halın mövsümi qrip olduğunu bildirir.
Əsas məsələ, "Omikron"un aşkarlanması hansısa yeni məhdudiyyətlər, yaxud qapanmaya səbəb ola bilərmi?
Mövzu ilə bağlı Sozcu.info-a danışan həkim-terapevt Rasif Bağırov bu ştammın “Delta”dan daha zəif olduğunu bildirib:
“Omikron” ştammının Azərbaycanda tapılması elə də ciddi problem deyil. Yaxın günlərdə Avropa ölkələri onun tam klinikası ilə məşğul oldular və məlumat verildi ki, “Delta” ştammı “Omikron”dan daha güclü və daha  qorxuludur. Ona görə də, “Omikron”un adına qapanma fikirləşməyin heç bir mənası yoxdur.