“Gürcü arzusu” Partiyasının qurucusu və sədri, Gürcüstanın ən zəngin oliqarxı Bidzina İvanişvili siyasətdən gedəcəyini açıqlayıb. Milyader qurucusu olduğu partiyanın hətta sıravi üzvü kimi də qalmaq istəmir.

İvanişvilinin bu addımı ABŞ Konqresinin Mərkəzi Kəşfiyyat İdarəsinin qarşısında qoyduğu vəzifə ilə bağlıdır. Həmin vəzifəyə görə CİA 100 gün ərzində Rusiya Federasiyası hökumətini dəstəkləyən rusiyalı, eləcə də Şərqi Avropadan olan oliqarxların korrupsiya fəaliyyətləri barədə hesabat hazırlayıb Konqresə təqdim etməlidir. Rusiyalı politoqların məlumatlarına görə söhbət təxminən 300 nəfər oliqarxdan gedir.

Bidzina İvanişvili artıq bir dəfə Vaşinqtonun siyasi dairələri tərəfindən Putinlə yaxınlıqda və Gürcüstanda vəziyyəti Rusiyanın lehinə çalxalamaqda ittiham olunub. Bidzina İvanişvili siyasətdən qaçmaqla sərvətini qorumağa çalışır.

Vaşinqtonda yaşayan, Rusiyaya və Putinlə bağlı dairələrə qarşı sanksiyaların hazırlamasında birbaşa iştirak etmiş rusiyalı politoloq Andrey Piontkovskinin məlumatına görə Putinin özü də daxil olmaqla onunla yaxın münasibəti olan oliqarxların sərvətlərinin üzə çıxarılaraq əllərindən alınması gözlənilir. “SİA anlayır ki, insanın yumşaq yerindən yapışmaqla onun bütün bədənini hara istəsən sürükləyə bilərsən”.

Bidzina İvanişvili siyasətdən getdikdən sonra Mixail Saakaşvilinin Gürcüstanı yenidən nəzarətinə alacağına isə şübhə ola bilməz.

Xəqani Cəfərli