AzPolitika.info xəbər verir ki, bu barədə araşdırmaçı jurnalist Cavanşir Həsənli məlumat verib.

Jurnalist sosial şəbəkədəki hesabında yazıb ki, Z. Xanlarova 2013-cü ildə ABŞ-ın Brooklyn şəhəri, Sheepshead Bay Rd 1629 ünvanında 3 mərtəbəli bina tikdirib. "Binanın 3-cü mərtəbəsində fondun ofisi yerləşir. İkinci mərtəbə isə yerli hüquq firmalarından birinə icarəyə verilib. Ən alt qatında isə Avropa mətbəxi ilə tanınan "Esquiri" restoranı yerləşir. 232.2 kv. m. sahəsi olan restoran illik 120 min dollara icarəyə verilib. Yəni, aylıq icarəsi 10 min dollar. İcarədən gələn vəsait isə Amerikada xeyriyyə işləri ilə məşğul olan fonda gedir” – C. Həsənli qeyd edib. Araşdırmaçı jurnalist xatırladıb ki, bu müddət ərzində Zeynəb Xanlarova Milli Məclisdən ayda 2598 manat maaş alıb. Ara-sıra Azərbaycana gəlib-gedib, deputat maaşına ehtiyacı olmayıb, amma maaş cədvəlinə qol çəkib”.