Dost-müttəfiqsiz qalan ermənilər matəm içində; işğalçı öz yalanları ilə baş-başa qalıb; siyasilər və ekspertlərdən ilginc şərh və xəbərdarlıqlar; erməni tarixçi: “Xalqımız tam mənasız bir müharibəyə girib və qırılır…”

Döyüş meydanında ard-arda ağır zərbələr yeyən sınıq-salxaq erməni işğalçı ordusu hər gün bir az daha gəldiyi yerə – Ermənistana doğru geri çəkilməkdədir. Başsız baş nazir Nikol Paşinyan isə sonuncu “patronları”nı atır. Çünki Laçın yolu da nəzarətə götürüləndən sonra Qarabağda daha heç bir erməni separatçı və silahlısının sərbəst gəzib dolaşması, veyllənməsi mümkün olmayacaq. İşğal altındakı ərazilərimizdə vaxtaşırı şelfi çəkdirib bizə acıq verməyi xoşlayan Paşinyan və komanda üzvlərinin, Ermənistan prezidenti Armen Sərkisyanın da bazarı bağlanmaqdadır.
Ermənistan adlı kvazi-dövlətin əsas faciəsi sözsüz ki, onun indiki avantürist rəhbərliyinin, bütövlükdə Paşinyan və sələflərinin on illərlə ağıllı çağırışları və məsləhətləri qulaqardı eləməsi, öz xalqını yalan vədlərlə, heç vaxt reallaşmayacaq “miatsum”la yedizdirməsindədir. Bu da son. Azərbaycan Ordusunun daha bir həmləsi və “işğalçı Ermənistan”, “müstəqil arsax” anlayışları həmişəlik tarixə gömüləcək.
*****
“Ermənistan rəhbərliyi BMT TŞ-nin Qarabağ münaqişəsi ilə bağlı qətnamələrini tanımalı və başqasının köməyinə ümid edib öz vətəndaşlarını qırğına verməkdənsə, danışıq masasına oturmalıdır”.
Bunu Rusiya Dövlət Dumasının deputatı, Rusiya-Azərbaycan parlamentlərarası dostluq qrupunun rəhbəri Dmitri Savelyev Paşinyanın Putinə çarəsizlikdən doğan son müraciətini şərh edərkən bildirib.

Deputat bu müraciətlə erməni siyasətçilərinin Rusiyaya münasibətdə ikiüzlülüyünün bir daha öz əyani təsdiqini tapdığını düşünür. “Bu müraciət ölkəmizin Qarabağ münaqişəsinə sürüklənməsi cəhdindən başqa bir şey deyil. Çünki hərbi əməliyyatlar Ermənistan ərazisində getmir, Azərbaycan erməni torpaqlarını ələ keçirmək niyyətində deyil və nə Rusiyanın, nə də KTMT-nin Ermənistana hərbi yardım etməsi üçün əsası yoxdur. Fikrimcə, erməni siyasətçiləri bunu anlamalıdırlar ki, düşmənçilik və dostluq eyni zamanda dövlətlərarası münasibətlərdə mövcud ola bilməz. Ermənistan daxilində indi hərbi macəralarda iştirakdan daha aktual olan problemlər var – xalq çoxalan iqtisadi problemlərdən əziyyət çəkir, ərzaq bahalaşır, koronavirus ölümləri baxımından əhali sayına nisbətdə Ermənistan dünyada dördüncü sıradadır”, – deyə o, sorosçu Paşinyan hökumətinin hərbi avantürasından danışarkən deyib.
*****
Bununla belə, Ermənistanın siyasi elitası və aqressiv mediası abırsızcasına hələ də Azərbaycana qarşı müharibədə Rusiyanı ona kömək etməməkdə qınayır, Putini, Qarabağ məsələsinə obyektiv yanaşan rusiyalı hərbi ekspert və politoloqları təhqir edir, hətta hədələyir. Təbii ki, cavabını da alırlar – o cümlədən dəstək üçün bir “əlini” Qərbə, digərini Rusiyaya uzadan sorosçu Paşinyan hökuməti.
“Biz Ermənistana daim dotasiya veririk, silah almaq üçün borc veririk, onun sərhədlərini qoruyuruq, Ermənistanın suverenliyini təmin etmək üçün orada hərbi baza saxlayırıq. Bu şərtlərdə Paşinyanın çoxvektorlu xarici kursu siyasi fahişəliyin sinonimidir”.

Rusiyalı siyasi ekspert və məsləhətçi, “Milli Müdafiə” jurnalının baş redaktoru İqor Korotçenko telegram kanalında belə yazıb. Analitik haqlı olaraq hesab edir ki, Moskvanin köməyi və təmənnasız yaxşılıqları fonunda İrəvanın xarici siyasətlə bağlı yalnız bir vektoru olmalıdır – Rusiyapərəst: “Yəni şəxsi heç bir şey ola bilməz – yalnız Rusiya milli maraqları!”
Ancaq erməni erməni olmazdı ki, əgər hər addımda öz nankorluğunu büruzə verməsin, onu ayaqda saxlayan, illər boyu bəsləyən sahibinə asi çıxmasın, hətta bütün dünyanı özünə borclu çıxarmasın. Ruslardan giley edən sırtıq erməni blogerlərdən biri az öncə necə yazmışdı: “Ruslar onsuz da çoxdur, Qarabağda ermənilərə görə bir az qırılsalar da, yenə artıb-çoxalacaqlar, ermənilər isə dünyanın nadir, qədim, mədəni azsaylı millətidir. Onları qorumaq lazımdır”.
Sanki bütün bəşəriyyət yığışıb bu “Qırmızı kitab”a düşmüş nadir milləti – “incini” xilas eləmədir. Həyasızlığın fontan vurduğu nöqtə yəni! Özü də belə düşüncədə olan yalnız həmin bloger deyil, ümumən xəstə erməni toplumunun özüdür – dünyanın hansı guşəsində yaşamasından asılı olmayaraq.
*****
 
“Həyasızlığın bir neçə növü məlumdur – inanılmaz, sərhədsiz, miqyassız. Bugünlərdə bəlli olub ki, əvvəllər görünməmiş yeni bir növ də var – erməni həyasızlığı. Bunun təzahürü İrəvanın Rusiyadan öz qoşunlarını KTMT çərçivəsində istifadə etməsini tələb etməsidir, hərgah hər kəsə açıq şəkildə məlumdur ki, rəsmi olaraq tanınmış Azərbaycanın sərhədləri daxilində, onun ərazisində döyüşən Ermənistanın ərazisində hərbi əməliyyatlar aparılmır”.
Bu barədə isə Target24 internet portalının yayımladığı məqalədə deyilir. Müəllifə görə, Rusiyaya münasibətdə tez-tez “borc”, “öhdəlik” kimi sözlərdən istifadə edən erməni tərəfinin ritorikası, artıq güclü qıcıq yaratmağa başlayıb.
“Niyə heç kim bizə kömək etmir” sualını verməzdən əvvəl ermənilər ümumiyyətlə qohumlarının olub-olmadığını anlamalıdırlar”.

Filip Ekozyants
Bunu isə “Yeni Müsavat”ın məlumatına görə, erməni kökənli ukraynalı tarixçi-tədqiqatçı, obyektivliyi ilə tanınan  deyib.
“Bəlkə Azərbaycan həqiqətən ədalətli müharibə aparır və Ərdoğan Azərbaycanı dəstəkləməkdə tamamilə haqlıdır? Bəlkə həm erməni tarixçiləri, həm də siz və mən sadəcə, səhv edə bilərik və ya heç olmasa nəsə bilmirik?! Yoxsa bəlkə erməni tarixçiləri yalan danışır, bilərəkdən insanlarını səhv bir işə sövq edirlər? Və bəlkə də bu gün ən pis şey Fransa və Amerikanın Ermənistana kömək etməyə tələsməməsi deyil. Ən dəhşətlisi odur ki, xalqımız tamamilə mənasız bir müharibə aparır və qırılır”, – deyə o qeyd edib.
Tarixçinin sözlərinə görə, nə vaxt ki, ermənilər özlərini və ətraflarını olduğu kimi qəbul edəcəklər, bax onda həqiqi insan qanının axdığı yalan bir hekayənin qaranlığına dönə-dönə “baş vurmağı” dayandıracaqlar. “Və yalnız bundan sonra erməni xalqının tarixi olacaq”, – deyə o əlavə edib.
*****
Hələliksə ermənilərin öz günahı ucbatından mənasız qırğını davam edir. Dost-müttəfiqsiz qalan, hər gün döyüş meydanında yeni-yeni ünlü isimlərinin gəbərməsi xəbərini eşidən ermənilər matəm içindədir. Təbii ki, müharibə bitəcək, amma tanıdığımız bu “nadir və qədim” millətin hüznü heç vaxt bitməyəcək. Özləri bilər.
“Qarabağdakı müharibə bu ay başa çatacaq. Artıq hərbi cinayətkarların üzərində Xocalı tribunalının təşkilinə başlamaq vaxtıdır”.
Bu sözləri rusiyalı tarixçi-qafqazşünas Oleq Kuznetsov söyləyib (Axar.az).
“Hərbi peşəkarların ”dqr”in “müdafiə ordusu”nun son günlərini yaşadığına heç bir şübhəsi yoxdur. Azərbaycan Ordusunun Qırmızı bazardakı uğurları o qədər təsirlidir ki, əlavə qüvvə gələn kimi Şuşaya baş hücum başlana bilər. Bundan sonra təchizatı olmayan erməni qarnizonlarının kapitulyasiyasını qəbul etmək üçün Xocavənd və Laçın istiqamətlərinə hücumlar öz strateji əhəmiyyətini dərhal itirəcək və ikinci plana keçəcək”.
Kuznetsovun hesablamalarına görə, qüvvə və vəsaitin yenidən qruplaşdırılması 7-10 gün davam edəcək, sonra iki həftəyə qədər davam edəcək baş hücum olacaq. Bunun nəticəsi olaraq “dqr” terrorçu kvazidövlətinin tarixinə son qoyulacaq: “Hitler cinayətkarlarının üzərində Nürnberq tribunalı yalnız ona görə Nürnberqdə keçirildi ki, bu şəhər nasizmin ideoloji paytaxtı idi. Erməni nasizm ideologiyası Xocalı qətliamından sonra özünün qəti və tamamlanmış formasını tapdığına görə erməni hərbi cinayətkarlarının üzərində hərbi tribunal da məhz o şəhərin məhkəməsində keçirilməlidir ”, – deyə rusiyalı tarixçi vurğulayıb.
Rəşadətli ordumuz o tarixi anı hər gün bir az da yaxınlaşdırmaqdadır…