Əvvəlki Sonrakı

BAKIDA ƏMLAK QİYMƏTLƏRİ YENİDƏN ARTDI Regionlar üzrə qiymətlər + CƏDVƏL

7-07-2026, 21:32

Prezident ARDNF ilə bağlı ÖNƏMLİ QƏRARI təsdiq etdi

7-07-2026, 01:18

Tramp İranı atəşkəsi pozmaqda ittiham edib

26-06-2026, 21:14

İlham Əliyev Sərdar Berdiməhəmmədovu Füzulidə qarşıladı -FOTO

23-06-2026, 12:29

Bakının bəzi ərazilərində işıq kəsiləcək

23-06-2026, 00:52

Gömrükdə yeni çalxalanma: "Dərman mafiyası"nın ardından "yağ mafiyası" vurulur... - Əbülfəz Məlikovun daha bir biznesi çökdürülür

Gömrükdə yeni çalxalanma: "Dərman mafiyası"nın ardından "yağ mafiyası" vurulur... - Əbülfəz Məlikovun daha bir biznesi çökdürülür

 

Mediadan bəllidir ki, yağ monopoliyası da gömrük generalları tərəfindən himayə olunan brokerlərin nəzarətindədir. Onların lideri isə "Broker” MMC rəhbəridir.

Söhbət Əbülfəz Məlikovun yararsız yağ məhsullarını ölkəyə idxal etməsindən gedir. Gələn xəbərlərdə iddia olunur ki, xüsusi xidmət orqanları dərman mafiyasının ardınca yağ mafiyasını da təftiş etməyə hazırlaşır. 

Əgər dərman mafiyası kimi yağ mafiyası ilə də bağlı əməliyyat keçirilərsə, Ə.Məlikovun əməlləri ortaya çıxa bilər. 

Məlumdur ki, bahalaşmanın əsas səbəbi gömrük rüsumlarının və vergi dərəcələrinin yüksək olması, o cümlədən monopoliyanın güclü olmasıdır. 

Sərhədyanı zonalarda yaşayan əhali belə öz ehtiyaclarını ödəmək üçün qonşu Gürcüstandan və Rusiyadan yağ gətirə bilmir, bunun həcmi ilə bağlı da müəyyən məhdudiyyətlər qoyulurdu. 

Azərbaycanda kərə yağının istehsalı məhdud çərçivədə olduğu üçün bu məhsul ölkəmizə əsasən Rusiya, Yeni Zelandiya, Avstraliya, Ukrayna və Pribaltika ölkələrindən idxal edilir. 

Azərbaycanda yaranan bu yağ probleminin əsas baiskarının da kim olduğu məlumdur. Bu biznes "broker Əbülfəz” kimi tanınan həmin Əbülfəz Məlikovun monopoliyasındadır. 

Ə.Məlikov məsuliyyətə cəlb olunarsa, onun rəhbərliyi altında gömrük məntəqələrində özbaşınalıqlar edən, qeyri-rəsmi rüsum alan brokerlər ifşa edilə bilər. 

Çünki dərman kimi yağ da sağlamlığımız üçün önəmli məhsuldur və yararsız mallar insan həyatına təhdiddir. 

Ə.Məlikovun "yağ monopoliyası” xalqımıza həm bahalıq səbəbindən , həm də ən əsas sağlamlıq baxımdan çox baha başa gəlir.

Çətbuatda bildirilir ki, Məlikovun ölkəyə gətirdiyi yağ məhsullarının içindən tamam başqa qatqılar da çıxır. 

Həm də Ə.Məlikovun idxal etdiyi yağlar baha olmaqla bərabər onu içinə balina yağı və heyvanların iç piyini qatırlar. 

"Ölkədə kərə yağlarının dəqiq mükəmməl ekspertizası aparılmır. Uzun müddət ölkədə balina yağı, heyvanın iç yağlarından qatıb, üzərinə "ekoloji cəhətdən təmizdir” yazılmış və kərə yağını imitasiya edən, açanda onun qoxusunu verən "Toplyonoye maslo”, "Novvejskoye maslo” olub. 

Bunların üzərində inək şəkli vardı. Hətta yerli "Fazil” firması kərə yağını imitasiya edən və tərkibində ümumiyyətlə kərə yağı olmayan kərə yağına bənzər mallar buraxırdı. İnsanlar da bunu kərə yağı kimi alırdı. 

Xüsusən də dəmir qablarda qablaşdırılmış, açanda kərə yağının qoxusunu verən, hansı ki, bu qoxuya kimyəvi maddələr vasitəsilə nail olunur, onların kərə yağı ilə heç bir əlaqəsi yoxdur.

Ancaq Ə.Məlikovun sayəsində keyfiyyətsiz məhsullar Azərbaycan bazarına buraxılır. Azərbaycan cəmiyyətində saxta düyü və saxta yumurta həyəcanı yaşandı. 

Bu həyəcan özünü sosial şəbəkələrdə paylaşılan foto və videolardan da göstərdi. Hətta bəzi vətəndaşlar marketlərdən aldıqları saxta yumurtaların videosunu paylaşdılar və bunun səbəbini sorğulamağa başladılar. 

2016-cı ilin dekabr ayında ölkə mətbuatında Azərbaycana idxal olunan saxta düyü və yumurtaların arxasında duran şəxslər kimi Səfər Mehdiyev və Əbülfəz Məlikovun adı hallandı.

Əbülfəz Məlikovun sayəsində hər il gömrük əməliyyatları zamanı büdcəyə daxil olmalı olan 5-7 milyard dollar ayrı-ayrı şəxslərin cibinə axıb. 

Ancaq gömrükdə baş verən korrupsiya haqqında məlumatı olan şəxs isə iddia edir ki, büdcədən yayındırılaraq mənimsənilən vəsait hətta 10 milyard dollardan da çox olub. 

Görünən odur ki, Ə.Məlikov prezidentin daxili istehsalın inkişafına dövlət qayğısının artırılması barədə göstərişlərinə əməl etməyib.

Görəsən sabahları Əbülfəz Məlikov da, adı "Dərman mafiyası”nda keçən generallar kimi, ölkəyə zəhərli qida məhsullarının idxalı işi ilə bağlı cinayət məsuliyyətinə cəlb olunsa, o Səfər Mehdiyevdən ifadə verər?

Bu il aprelin 30-da Baş Prokurorluq, Dövlət Təhlükəsizliyi Xidməti və Dövlət Gömrük Komitəsi əməkdaşlarının keçirdiyi birgə əməliyyat nəticəsində dərman vasitələrinin qanunsuz dövriyyəsi ilə məşğul olan mütəşəkkil dəstə-DGK-nın yüksək vəzifəli şəxslərinin də içində olduğu "dərman mafiyası” ifşa olunub. 

Üç gün sonra, mayın 3-də isə DGK sədrinin müvafiq əmrinə əsasən Dövlət Gömrük Komitəsinin yüksək vəzifəli məmurları - Hava Nəqliyyatında Baş Gömrük İdarəsinin rəisi Sadiq Abduyev ,Tibbi Xidmət İdarəsinin rəisi Fikrət Qədiməliyev, Hava Nəqliyyatında Baş Gömrük İdarəsinin Birinci yük şöbəsinin rəisi Araz Məmmədov işdən çıxarılıb. 

"Dərman mafiyası” üçbucağının bir tərəfində Fikrət Qədiməliyev, digərində Sadiq Abduyev dayanıb. 

Dərmanlar ölkəyə onların qeyri-rəsmi izni ilə daxil olub, başqa adlar altında rəsmiləşdirilərək ən müxtəlif aptek şəbəkələrinə dağıdılmaqla əhaliyə satılıb. 

"Dərman mafiyası” ilə DGK rəsmiləri qaçaq yolla ölkəyə gətirilən dərman preparatlarına görə 25 faiz haqq alıblar. Hazırda cinayət işi üzrə istintaq-əməliyyat tədbirləri davam etdirilir./Fia.az/


Oxşar Xəbərlər

“Dərman mafiyası”na işdən çıxarılan generalın yerinə təyinat - Gömrükdə mühüm dəyişiklik
Gömrükdə külli miqdarda həb saxlanıldı
Baş Prokurorluq, DTX və Gömrük Komitəsi “dərman mafiyası” ilə bağlı rəsmi açıqlama yaydı
“Vurulmuş” generalların aptekləri bağlanır: İZLƏR KİMƏ APARIR?

Xəbər lenti

PRİZMA

Sərhəd Məmmədov – Şərəfli ömrün 80 illik yubileyi
Sərhəd Məmmədov – Şərəfli ömrün 80 illik yubileyi

MÜSAHİBƏ

TƏHLİL

ABŞ-ın İrana qarşı hərbi əməliyyatlarının xərci 132 milyard dolları ötüb
ABŞ-ın İrana qarşı hərbi əməliyyatlarının xərci 132 milyard dolları ötüb

SOSİAL