Azərbaycanda yaşayış binalarında sərnişin liftlərinin minimal sayı və hərəkət sürətinə dair minimal tələblər müəyyən olunub.
"APA-Economics"in məlumatına görə, bu, Dövlət Şəhərsalma və Arxitektura komitəsinin kollegiyasının qərarı ilə təsdiqlənən "Yaşayış binaları. Layihələndirmə normaları"da əksini tapıb.
Qeyd edilir ki, yükgötürmə qabiliyyəti 630 və ya 1 000 kq olan liftlərin kabinələrinin eni və uzunu ən azı 2100 х1100 mm olmalıdır və cədvəl adambaşına 18 m2 ümumi mənzil sahəsi, mərtəbənin hündürlüyünün 2,8 m , liftin hərəkət intervalının 81-100 s olması hesabı ilə tərtib edilib. Mərtəbələrdəki mənzil sahələrinin ölçüləri, mərtəbənin hündürlüyü və adambaşına düşən mənzilin ümumi sahəsi cədvəldə qəbul edilmiş ölçülərdən fərqləndiyi hallarda sərnişin liftlərinin sayı, yükgötürmə gabiliyyəti və sürəti hesablama yolu ilə müəyyən edilir.
Normalara görə, yuxarı mərtəbələrdə, çoxsəviyyəli mənzillər olan yaşayış binalarında liftlərin mənzilin mərtəbələrindən birində dayanmasına yol verilir və bu halda liftlərin sayının hesablanması üçün mərtəbəlik lift dayanan mərtəbə üzrə müəyyən edilir.
Bundan başqa, liftlərdə avtomatik təxliyə sistemləri nəzərdə tutulmalıdır və liftin şaxtasında liftə aid olmayan digər qurğuların, avadanlıqların və kommunikasiya xətlərinin layihələndirilməsinə yol verilmir.
Layihədə liftin istiqamətləndiricilərinin bağlanılması üçün şaxtanın divarına sərt bərkidilmiş kronşteynlər(bərkidicilər) nəzərdə tutulmalıdır.

Binanın yerüstü hissəsinin mərtəbəliliyi	Liftlərin sayı	Yükqaldırma qabiliyyəti, kq	Sürəti, m/s	Mərtəbələrdə mənzillərin maksimal ümumi sahəsi, m2
9-a qədər	1	630 və ya 1 000	1,0	600
10-12	2	400 630 və ya 1 000	1,0	600
13-17	2	400, 630 və ya 1 000	1,0	450
18-19	2	400, 630 və ya 1 000	1,6	450
20-25	3	400, 630 və ya 1 000 630 və ya 1 000	1,6	350
20-25	4	400 400, 630 və ya 1 000 630 və ya 1 000	1,6	450