Sozcu.info xəbər verir ki, "Financial Times” qəzetində çıxan bir məqalədə Qərbin Türkiyədə 24 iyun tarixində keçiriləcək seçkilərdə prezident Rəcəb Tayyib Ərdoğanın zəfərinin qarşısını almaq niyyəti açıq-aşkar əks olunub: "Qərb ölkələri Ərdoğanın üzərindəki təzyiqi daha çox əvvəldən artırmağa başlamalı idi”. Məqalədə Ərdoğanın seçkilərdə qələbə qazanmasının Türkiyə üçün vəziyyətin daha da ağırlaşacağı demək olduğu iddia edilib.

Türkiyə-Rusiya münasibətləri

Amerika və Avropanın narahatlığına rəğmən, Ərdoğan ilə Putin arasında səmimiyyət olduğuna diqqət çəkən məqalədə deyilir: "Türkiyə NATO üzvü və kağız üzərində Avropa İttifaqına namizəd ölkə olsa da, Ərdoğanın idarəsi altında Qərb ilə olan bağlarını qoparıb Rusiya prezidenti Vladimir Putinə doğru meyillənib”.