Əvvəlki Sonrakı

BAKIDA ƏMLAK QİYMƏTLƏRİ YENİDƏN ARTDI Regionlar üzrə qiymətlər + CƏDVƏL

7-07-2026, 21:32

Prezident ARDNF ilə bağlı ÖNƏMLİ QƏRARI təsdiq etdi

7-07-2026, 01:18

Tramp İranı atəşkəsi pozmaqda ittiham edib

26-06-2026, 21:14

İlham Əliyev Sərdar Berdiməhəmmədovu Füzulidə qarşıladı -FOTO

23-06-2026, 12:29

Bakının bəzi ərazilərində işıq kəsiləcək

23-06-2026, 00:52

“Borçalı” İctimai Birliyi Azərbaycanla Gürcüstan arasındakı dostluq körpüsüdür”

“Borçalı” İctimai Birliyi Azərbaycanla Gürcüstan arasındakı dostluq körpüsüdür”

 

Kərəm Məmmədov: "Azərbaycan və Gürcüstanın müttəfiqliyi Rusiyanın qarşısını kəsir”

"Ağrı-acısı eyni olan xalqlar istər-istəməz birləşməlidir”

Ötən gün Azərbaycan prezidenti İlham Əliyev Gürcüstanın xarici işlər naziri Mixeil Canelidzeni qəbul edib. Ölkə başçısı görüş zamanı Azərbaycan-Gürcüstan əlaqələrinin çox uğurlu və dinamik şəkildə inkişaf etdiyini vurğulayıb.
Ölkələrimiz arasında bütün istiqamətlərdə, o cümlədən siyasi, iqtisadi, nəqliyyat, energetika, humanitar sahələrdə əməkdaşlığın genişləndirilməsinin vacibliyini bildirən dövləti başçısı gündəlikdə duran məsələlərin çox geniş və əhatəli olduğunu deyib. 
Əməkdaşlığımızın yaxşı nəticələr verdiyini vurğulayan prezident İlham Əliyev bu nəticələrin daha da möhkəmləndirilməsinin və bundan sonra da ölkələrimizin bir-birinə yaxınlaşması, dinamik inkişafı üçün birgə səylərin artırılmasının vacibliyini qeyd edib.
Dövlət başçısı Gürcüstanın xarici işlər naziri Mixeil Canelidzenin Azərbaycana bu səfərinin ölkələrimiz arasında ikitərəfli əlaqələrin gündəliyinin müzakirəsi və gələcək birgə fəaliyyət istiqamətlərinin müəyyənləşdirilməsi üçün yaxşı imkan yaradacağına əminliyini bildirib.
Bakıya hər dəfə səfər etməsindən məmnunluğunu vurğulayan M. Canelidze paytaxtımızın böyük sürətlə inkişaf etməsinin dost Gürcüstan üçün çox sevindirici hal olduğunu bildirib. M. Canelidze qeyd edibki, xalqlarımız nəinki qonşudur, eyni zamanda, bizim dostluğumuz bir nümunədir. Bu il ölkələrimiz arasında diplomatik əlaqələrin 25 illiyinin qeyd edildiyini vurğulayan qonaq ötən dövr ərzində əldə olunan nəticələrin əhəmiyyətini diqqətə çatdırıb, münasibətlərimizin daha da inkişaf etdirilməsi üçün yaxşı əsasların olduğunu deyib. Azərbaycan ilə Gürcüstan arasında həllini tapmayan məsələlərin olmadığını bildirən M. Canelidze ölkələrimizin gələcək inkişafına istiqamətlənən birgə layihələrin önəmini də qeyd edib.
Görüşdə Azərbaycan ilə Gürcüstan arasında ticarət, turizm və mədəniyyət sahələrində əlaqələrin daha da genişləndirilməsi, Cənub Qaz Dəhlizinin icrası, hökumətlərarası komissiyanın fəaliyyətinin gücləndirilməsi və digər məsələlər ətrafında fikir mübadiləsi aparılıb.

"Gürcüstan və Azərbaycan bir-birinin ərazi bütövlüyünü, suverenliyini dəstəkləyir”

"Azərbaycan və Gürcüstan 25 ərzində dostluq və mehriban qonşuluq münasibətlərini davam etdirir”.
Bu sözləri isə Mixail Canelidze Azərbaycanın xarici işlər naziri Elmar Məmmədyarovla görüşdən sonra keçirilən brifinqdə deyib. O bildirib ki, iki ölkə arasında yüksək səviyyəli dialoq var:
"Əməkdaşlığımız müvafiq formatlarda davam edir və biz bu dialoqu intensiv şəkildə davam etdirmək fikrindəyik. Ötən il iki ölkə arasında ticarət dövriyyəsinə dair rəqəmlər pozitiv deyil. Regionda böhran olub. Lakin plan qurduq ki, bu sahədə işlərimizi aktivləşdirək. Potensialdan maksimum istifadə etməliyik. Ümid edirəm ki, bunlar pozitiv nəticələr verəcək. Regionda energetika və nəqliyyat layihələrinə önəm veririk. Tranzit imkanlarını artırmaq niyyətindəyik. Bu istiqamətdə mühüm layihələr var. Bu ilin sonunda Bakı-Tbilisi-Qars dəmir yolu layihəsi istifadəyə veriləcək”.
M. Canelidze bəyan edib ki, Gürcüstan və Azərbaycan bir-birinin ərazi bütövlüyünü, suverenliyini dəstəkləyir: "Əməkdaşlığımız Avropa İttifaqının "Şərq tərəfdaşlığı” proqramı çərçivəsində də davam edir. Azərbaycanı Avropa İttifaqı ilə yeni saziş üzrə danışıqların başlaması münasibətilə təbrik edirik”.

"Azərbaycan-Gürcüstan əlaqələri dostluq və mehriban qonşuluq prinsiplərinə əsaslanıb”

Xarici işlər naziri Elmar Məmmədyarov isə bildirib ki, Azərbaycanla Gürcüstan arasında əlaqələr dostluq və mehriban qonşuluq prinsiplərinə əsaslanıb. 
O bildirib ki, görüşdə strateji tərəfdaşlığın inkişafı yolları müzakirə olunub: "Bakı-Tiflis-Qars dəmir yolu xətti bu il fəaliyyətə başlayacaq. Bu layihə hər 3 ölkən inkişafına təkan verəcək". 

"Ağrı-acısı eyni olan xalqlar istər-istəməz birləşməlidir”

Azərbaycan-Gürcüstan münasibətlərini şərh edən "Borçalı” İctimai Birliyinin sədri, Bakı Dövlət Universitetinin tarix fakültəsinin dosenti Kərəm Məmmədov "Hürriyyət”ə bildirib ki, ölkələrimiz arasındakı müttəfiqlik yaxın zamanın söhbəti deyil: "Tarixi təcrübə göstərir ki, hələ 1919-cu ildən Rusiya tərəfindən ikitərəfli təhlükə var, bir tərəfdən ağ qvardiyaçılar, yəni Denikinin basqısı, digər tərəfdən isə Sovet Rusiyasının basqısı olub. Bu basqı altında da Azərbaycanla Gürcüstan arasında 1919-cu ilin iyunun 16-da hərbi əməkdaşlıq haqqında müqavilə imzalanıb. Azərbaycan Xalq Cümhuriyyətinin Osmanlıdan sonra "Hərbi Pakt” bağladığı Gürcüstan ikinci dövlət idi”.

"Hər iki dövlətin müstəqilliyi ancaq bu yoldan keçir”

K.Məmmədovun fikrincə, ümumiyyətlə, Qara dənizdən Xəzər dənizinədək olan məsafə strateji koridor kimi də qəbul edilə bilər: "Eyni zamanda Rusiya üçün cənuba yol kimi də qəbul edilə bilərik. Rusiyanın da ömrü boyu əsas arzusu rus soldatının sapoklarını isti dənizlərdə yumaq oub. Bunun da qarşısını almağın yeganə yolu təbii ki, Azərbaycanla Gürcüstanın müttəfiqliyidir.
Artıq bu illərin təcrübəsidir ki, xüsusilə də 1992-ci ildən üzü bəri istər siyasi, iqtisadi, hərbi, istərsə də mədəni-sosial baxımdan Azərbaycanla Gürcüstan arasında xoş münasibətlər yaranmağa məcburdur. Çünki hər iki dövlətin müstəqilliyi ancaq bu yoldan keçir. Əgər fikir versək, bunların arasında oxşarlıq da var. Faktiki olaraq Rusiya tərəfindən qızışıdırılan Gürcüstanda Abxaz, Osetin münaqişəsi, Azərbaycanda isə Dağlıq Qarabağ münaqişəsi Rusiya xarici siyasətinin davamıdır. Ağrı-acısı eyni olan xalqlar istər-istəməz birləşmlidir.
Təbii ki, Gürcüstan-Azərbaycan müttəfiq ölkə kimi, regionda kənar təhlükələrə qarşı ortaq mövqe nümayiş etdirirlər. Son dövrün müqavilələrinə baxsaq, bunu görmək mümkündür. GÖUAM-ın təşkili, Türkiyə-Gürcüstan-Azərbaycan arasında hərbi əməkdaşlıq həmin bu təpkiyə qarşı olan bir hadisədir”. 

"Borçalı” İctimai Birliyi Azərbaycanla Gürcüstan arasındakı dostluq körpüsüdür”

K. Məmmədov nəzərə çatdırdı ki, indiki Gürcüstan ərazisində yaşayan soydaşlarımız faktiki olaraq bu əməkdaşlıq üçün qarant rolunu oynayırlar: "Məsələn, bizim elə təmsil olunduğumuz "Borçalı” İctimai Birliyi Azərbaycanla Gürcüstan arasındakı dostluq körpüsüdür. Bu dostluq körpüsü hər iki dövlət üçün şans yaradır ki, qarşılıqlı əlaqələr daha da güclənsin. Eyni zamanda bizim Qax, Zaqatala, Balakən bölgəsində, yəni Şimal-Qərb bölgəsində yaşayan gürcü əsilli vətəndaşlarımız da həmin rolu oynayır.
İstər Gürcüstan, istərsə də Azərbaycan olsun, bir-biri ilə əməkdaşlıq etmək zorundadır. Azərbaycan bütün dünya ölkələri ilə daima əlaqə saxlamaq niyyətindədir. Biz üzümüzü daha çox Avropaya tutmuşuq. Bu gün qonşu, müttəfiq Gürcüstan Avropa Birliyinin qapısının astanasındadırsa, bu, eyni zamanda Azərbaycanın qarantı deməkdir. Yəqin ki, gələcəkdə Azərbaycan da Avropa Birliyinə inteqrasiya edəcək”.
Tarixçi alim onu da vurğuladı ki, Abxaziya, Osetiya problemindən başqa, Gürcüstan üçün daha da qorxulu Cavaxetiya bölgəsi var: "Hansı ki, faktiki olaraq orada erməni separtçılığı gözə dəyməkdədir. Təbii ki, dost və qardaş Gürcüstan bunlardan nəticə çıxarmalıdır. Qarşılıqlı siyasət aparmasaq, bu separtçılıq ocaqlarını söndürmək mümkün olmayacaq. Bu sahədə Azərbaycanla Gürcüstanın əməkdaşlığı nəinki zəruri, həm də mütləqdir.
Dediyim kimi, Gürcüstanın Qara dənizə, Azərbaycanın isə Xəzər dənizinə çıxışı var. Xəzər və Qara dənizlər də Avrasiyanın ən mühüm strateji məntəqlərindən biridir. Böyük İpək Yolunun üstündə yerləşən ölkələr bu strateji əməkdaşlığı, öz siyasətlərini qardaşcasına, dostcasına qurmalıdırlar ki, həm dünya ölkələrinin biri-birinə inteqrasiyası, həm də Şərq-Qərb, eyni zamanda Şimal-Cənub dəhlizinin təhlükəsizliyi təmin olunsun”. 
Sozcu.info


Oxşar Xəbərlər

Roqozin İlham Əliyevlə nələri müzakirə etdi...
ABŞ dövlət katibinin nümayəndələri İlham Əliyevin qəbulunda
Prezident İlham Əliyev Dövlət Dumasının beynəlxalq məsələlər komitəsinin sədrini qəbul edib
İlham Əliyev Gürcüstanın xarici işlər nazirini qəbul edib

Xəbər lenti

PRİZMA

Azər Məmmədov: “Şuşa Qlobal Media Forumu siyasi məzmunu və verdiyi strateji mesajlar baxımından önəmli beynəlxalq platformaya çevrilib”
Azər Məmmədov: “Şuşa Qlobal Media Forumu siyasi məzmunu və verdiyi strateji mesajlar baxımından önəmli beynəlxalq platformaya çevrilib” -Müshibə

MÜSAHİBƏ

TƏHLİL

ABŞ-ın İrana qarşı hərbi əməliyyatlarının xərci 132 milyard dolları ötüb
ABŞ-ın İrana qarşı hərbi əməliyyatlarının xərci 132 milyard dolları ötüb

SOSİAL