Ölkədə yadellilər at oynadırdı. Sorğu-sualsız edam edilən, nə canı, nə malı, nə namusu amanda olan azərbaycanlılar sovet hakimiyyətinin qanlı simasından dəhşətə gəlmişdilər. «Doğrudanmı biz öz gözəl vətənimizi bu vəhşilərə belə asanlıqla təhvil verəcək, özümüzsə onlara qul olacağıq? Hanı bizim qürurumuz? Hanı bizim şərəfimiz? Hər bir azərinin, hər bir əsgər və zabitin üzündən bu sual oxunurdu», - sonralar cümhuriyyət polkovniki Cahangir bəy Kazımbəyli o günləri belə xatırlayacaq.