Əziz Əzizov Suraxanı rayon icra hakimiyyətinin başçısı təyin olunandan rayon ərazisində abad yol siyasəti həyata keçirilir. On illiklərlə bərbad olan yollar dövrün tələblərinə, ölkədə aparılan quruculuq işlərinə həmahəng həyata keçilir. Suraxanı uzun illər gözdən-könüldən uzaq olub, əsaslı quruculuq işləri görülməyib. Amma artıq vəziyyət  köklü şəkildə dəyişib. O qədər dəyişib ki, yolların abadlaşdırılmasının növbəsi Əmircan qəsəbəsi Z.Zeynalov küçəsi kimi ucqarlara da çatıb. Bu isə 20 ildən artıq müddətdə küçələrinin abadlaşdırılacağını gözləyən sakinlərinin sevincinə səbəb olub. Ramazan bayramından dərhal sonra Z.Zeynalov küçəsinin  abadlaşdırılması və yolun asfaltlanması isə bayarm sevincini yaşayan insanların sevincini iki qat artırıb. Ən çox sevinən isə məktəblilərdir. Çünki bundan sonra məktəbə gedərkən palçıqlı küçə ilə getməli olmayacaqlar. 
Əmircan qəsəbəsi Z.Zeynalov küçəsində abadlıq işləri və asfalt yol örtüyünün salınması Müşfiq İmranovun rəis olduğu 7 sayli yol istismar idarəsi tərəfindən həyata keçirilir. İşlərə isə iş icraçısı Vahid Daşdəmirov rəhbərlik edir. Əmircan qəsəbəsi Z.Zeynalov küçəsinin sakinləri cənab prezident İlham Əliyevə, Suraxanı rayonu İcra Hakimiyyətinin başçısı Əziz Əzizova və 7 sayli yol istismar idarəsinin rəhbərliyinə və əməkdaşlarına təşəkükr edirlər. İnanırlar ki, onalrın küçələri Suraxanı rayonun abad küçələri ilə eyni sırada dayanacaq. Yol isə mədəniyyət, həyat deməkdir.
Arzuman Loğmanoğlu,
Sozcu.info